Міністэрства ўнутраных спраў Беларусі не выключае, што з утварэннем Мытнага саюза цераз яго ўнутраныя межы ўзрасце наркатрафік. Пра гэта заявіў на прэс‑канферэнцыі 22 чэрвеня начальнік упраўлення па наркакантролі і супрацьдзеянні гандлю людзьмі МУС Аляксандр Гаўрылаў.
Паводле яго слоў, гэта абумоўлена палягчэннем праходжання тавараў цераз унутраныя межы, і гаворка найперш ідзе пра мяжу Казахстана з Расіяй.
Пры гэтым, як адзначыў прадстаўнік МУС, змагацца з наркатрафікам закліканы праваахоўныя органы трох дзяржаў. Таксама, паводле яго слоў, неабходна ставіць пытанне не толькі аб супрацьдзеянні незаконнаму перамяшчэнню наркотыкаў, але і аб знішчэнні наркатычных пасеваў у Афганістане.
Сёння, як паведаміў Аляксандр Гаўрылаў, з тэрыторыі Нідэрландаў у Беларусь паступаюць марыхуана, гашыш, МДМА, Польшчы і краін Балтыі — амфетамін, МДМА, Расіі — гераін, метадон, амфетамін, Украіны — опіум, макавая саломка, марыхуана і прэкурсоры. Што непасрэдна да краіны паходжання гэтых наркотыкаў, то беларускія эксперты гэта пакуль не ўстанаўліваюць, паколькі адсутнічае неабходнае дарагое абсталяванне. Таму канстатуецца толькі краіна, адкуль яны непасрэдна прыбылі ў Беларусь.
Як паведаміў галоўны нарколаг Міністэрства аховы здароўя Аляксей Аляксандраў,
лідэрамі па спажыванні наркотыкаў у краіне сёння з’яўляюцца Мінск, шэраг гарадоў Гомельскай і Гродзенскай абласцей, Салігорск (Мінская вобласць).
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі26
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4242
Каментары