Вядомы амерыканскі актор Майкл Дуглас лічыць, што хутчэй за ўсё здольны ачуняць пасля раку дыхніцы (гартані), які выявілі ў яго тры тыдні таму. Пра гэта ён паведаміў учора падчас тэлешоу Дэвіда Лэтэрмана. У кадры Майкл Дуглас трымаўся аптымістычна: жартаваў і расказваў пра свой новы фільм «Грошы не дрэмлюць», які з'яўляецца працягам аскараноснага «Уол-стрыт».
Дуглас, нягледзячы на хваробу, вырашыў з'явіцца перад публікай, пажартаваўшы: «Вось наколькі далёка я магу зайсці, каб прапіярыць свой фільм». Нягледзячы на гумар, Дуглас не абышоў і сур'ёзных пытанняў ды распавёў гледачам пра сваю хваробу. Рак дыхніцы выявілі ў Дугласа пасля працяглых скаргаў на болі ў горле. Майкл Дуглас дадаў, што прайшоў хіміятэрапію, і лекары даюць яго акрыянню 80 адсоткаў поспеху.
У канцы перадачы вядоўца Лэтэрман спытаў, што ён можа зрабіць для Майкла, а той адказаў: «Абняць». Абдымкі адбыліся пад магутныя воплескі публікі.
Майкл Дуглас (нар. 1944) — вядомы галівудскі актор. Ён стаў вядомым пасля роляў у фільмах «Раман з каменем» і «Асноўны інстынкт». Дуглас двойчы быў лаўрэатам прэміі «Оскар». Яго бацька Керк Дуглас, вядомы па ролі Спартака, нарадзіўся ў сям'і выхадцаў з Гомеля.
-
Вядомы трэвэл-блогер Антон Птушкін вярнуўся на YouTube. Але ў Беларусі яго новы выпуск недаступны
-
Джоні Дэп экранізуе «Майстра і Маргарыту» Булгакава — рыхтуецца першы англамоўны фільм
-
Гэтае кіно прыводзіць жанчын у захапленне, а мужчын — у шаленства. У пракаце новы фільм з лаўрэаткай «Оскара» Джэніфер Лоўрэнс
Цяпер чытаюць
Бліжэйшым часам будуць вызвалены больш за 150 палітзняволеных7
Каментары