Упраўленне ўнутраных спраў Мінскага райвыканкама працягнула да 8 студзеня 2011 года расследаванне крымінальнай справы па факце хуліганства — знішчэння ў Курапатах 38 мемарыяльных крыжоў.
Пра гэта паведаміў супрацоўнік прэс-службы УУС Мінскага аблвыканкама Сяргей Басько.
Справа распачата 8 лістапада па частцы 1 артыкула 339 Крымінальнага кодэкса (хуліганства), якая прадугледжвае пакаранне ў выглядзе грамадскіх работ, або штрафу, або арышту на тэрмін да шасці месяцаў, або пазбаўлення волі на тэрмін да трох гадоў. Для правядзення расследавання справа перададзена ў аддзел дазнання УУС Мінскага райвыканкама, які адпрацоўвае розныя версіі злачынства.
Нагадаем, 6 лістапада актывісты Кансерватыўна-хрысціянскай партыі — БНФ падчас традыцыйнай талакі на алеі ўздоўж паўднёва-ўсходняй мяжы Курапат з боку гандлёвага комплексу "Экспабел" знайшлі сляды злачынства — знішчаныя памятныя знакі, у асноўным зламаныя каля аснавання. Выкліканыя супрацоўнікі міліцыі апыталі ўсіх удзельнікаў талакі, якія мяркуюць, што акцыя вандалізму ўчынена ў ноч з 4 на 5 лістапада, бо яшчэ 4 лістапада мемарыяльныя крыжы былі цэлыя. Трэба адзначыць, што 16 кастрычніка на гэтай жа алеі Курапат актывістамі КХП-БНФ былі знойдзены знішчаныя невядомымі 33 памятныя знакі, адноўленыя праз некалькі дзён.
Што людзі кажуць аб праездзе праз «Брузгі» і «Бераставіцу» і чаму ў апошняй стаяць па 12 гадзін6
Што людзі кажуць аб праездзе праз «Брузгі» і «Бераставіцу» і чаму ў апошняй стаяць па 12 гадзін
«Наіўна спадзяваліся зарабляць у Еўропах, прыязджаць дадому лячыць зубы на халяву і здаваць кватэру». Прапаганда пачала апраўдваць дарагія жыроўкі для «дармаедаў»1919
Каментары