Аляксандр Лукашэнка лічыць магчымым ператварэнне Беларусі ў другую Швейцарыю. Пра гэта ён заявіў 17 снежня падчас наведвання ў Мінску галоўнага сховішча Нацыянальнага банка.
«Мы ставім задачу, каб Беларусь стала другой Швейцарыяй, каб асноўныя фінансавыя гульцы мелі тут сваю пляцоўку», — сказаў ён.
Лукашэнка падкрэсліў, што грошы любяць цішыню. «Ім дэманстрацыі, выбухі не патрэбныя. Як толькі пачынаюцца выбухі, грошы сыходзяць. Важна і надалей захоўваць стабільнасць, а зрабіць мы гэта можам», — заявіў беларускі кіраўнік.
Ён паабяцаў, што ў найбліжэйшыя пяць гадоў эканоміка краіны не сутыкнецца з тымі праблемамі, якія ёй давялося перажыць падчас сусветнага фінансавага крызісу. «Не думаю, што пяцігодка будзе цяжкай. Нам удалося дамовіцца не толькі з Масквой… Але і ў плане энергарэсурсаў удалося прасунуцца па многіх кірунках, і ёсць яшчэ рэзервы», — сказаў Лукашэнка.
Цяпер чытаюць
Колькі сёлета трацілі на вяселлі ў Беларусі? Сабралі рэальныя лічбы тых, хто пабываў у ЗАГСе6
Каментары