Родныя старшыні Аб’яднанай грамадзянскай партыі атрымалі ліст, адпраўлены зь сьледчага ізалятару КДБ 16 студзеня, паведамляе сайт ucpb.org.
«Усе ОК. Жывы і здаровы! — піша родным Анатоль Лябедзька. — Маю спадзяваньні, што ў вас таксама ўсё нармальна. Хаця, натуральна, хацелася б пра гэта дазнацца непасрэдна ад вас.
Навін у мяне няшмат. Усе дні, як ксэракопія. Плюс, мінус…»
Сын палітыка Арцём гаворыць, што ліст ад бацькі ў сям’і сустрэлі з аптымізмам:
«Яшчэ зь мінулага году яго ня бачыў адвакат… Аднак цяпер мы дакладна ведаем, што галадоўку ён спыніў, і сур’ёзных праблем з здароўем няма. Прасіў перадаць сшытак і ручку.
Значыць, яго не зламалі, настрой баявы. Напісаў, што вельмі будзе чакаць вестак з дому».
Анатоль Лябедзька быў арыштаваны ў ноч на 20 сьнежня і зьмешчаны ў СІЗА КДБ. Лідэру АГП выстаўлена абвінавачаньне па артыкуле 293 (частках 1 і 2) Крымінальнага кодэксу Беларусі.
Абвінавачанымі за нібыта арганізацыю масавых непарадкаў падчас акцыі пратэсту 19 сьнежня праходзіць 31 чалавек, у тым ліку пяць былых кандыдатаў у прэзыдэнты. Яшчэ больш за два дзясяткі людзей, сярод якіх
Напярэдадні зьявілася інфармацыя, што сваякі атрымалі першыя лісты ад зьняволеных у КДБ Андрэя Саньнікава і Натальлі Радзінай. Сёньня першы ліст ад Уладзімера Някляева прыйшоў ягонай жонцы Вользе.
Цяпер чытаюць
Беларусь чакае новая хваля савецкіх людзей з Латвіі і Эстоніі15
Беларусь чакае новая хваля савецкіх людзей з Латвіі і Эстоніі
Ездзілі шукаць нават у БССР, а неапазнанае цела 30 гадоў ляжала ў спецсховішчы. Новыя дэталі загадкавага знікнення ў ЗША беларускага пісьменніка Міколы Цэлеша22
Каментары