«Добрая раніца» — кіно пра тэлевізійную кухню.
ЗША, 2010, каляровы, 107 хв.
Рэжысёр: Роджэр Мічэл
Ролі выконваюць: Рэйчэл МакАдамс, Гарысан Форд, Даян Кітан, Джэф Голдблюм, Патрык Ўілсан, Джон Панкоў, Той Барэл
Жанр: Камедыйная драма
Адзнака: 6,5 (з 10)
Маладая гераіня прызначана прадусаркай на ранішняе тэлешоў. Каб выцягнуць праграму амбітная гераіня запрашае весці навіны з’едлівага журналіста (Гарысан Форд), які зусім не жадае забаўляць публіку. Жарсці накаляюцца.
Карціна Роджэра Мічэла — кар’ерна-камедыйная драма пра тэлевізійную кухню. На гэтай кухні — зладжаны акцёрскі ансамбль, нечаканыя досціпы й скандалы. Рэйчэл МакАдамс — прадусарка-працаголік — завадны маторчык карціны. Гарысан Форд — буркліва-атрутная акула журналістыкі. А Даян Кітан — колішняя каралева прыгажосці — тая яшчэ кампаньёнка. У ранішняе кампаніі — набітая дура свецкае хронікі, пацешны й палахлівы аматар флюгераў на небяспечных атракцыёнах, жабы, спевакі, дзеткі.
Карціна ставіць герояў і гледачоў перад выбарам: пацяшаць ці быць сур’ёзным, кар’ера — ці жыццё асабістае. Як добрае ранішняе шоў фільм пацяшае — каб быў час задумацца. А жыццё і кар’еру стужка сплятае са зграбнай галівудзкаю лёгкасцю.
«Добрая раніца» — кіно не толькі пра тэлевізію.
Цяпер чытаюць
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне6060
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне60
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1717
Каментары