Гэта актывіст кампаніі «Без’ядзерная Беларусь» Арсень Гурскі.
Гэта актывіст кампаніі «Без’ядзерная Беларусь» Арсень Гурскі.
Маладога чалавека затрымалі ўвечары 15 мая. Як паведаміла яго маці Аксана Гурская, ужо ў 16.30 сын не адказваў на тэлефанаванні, хаця мабільны не быў адключаны. Жанчына патэлефанавала ў міліцыю, але там ёй нічога не праяснілі.
Толькі раніцай 16 мая на кватэру Гурскіх прыйшлі трое следчых, якія правялі ператрус. У пастанове было напісана, што Арсень падазраецца ў падпале Дома правасуддзя, здзейсненага 15 мая.
Падчас ператрусу следчыя забралі бел-чырвона-белы сцяг і чатыры пары абутку.
У ноч пасля вынясення прысуду Андрэю Саннікаву была спроба падпаліць Дом правасуддзя. У будынак кінулі некалькі «кактэйляў Молатава». На месцы здарэння аператыўныя работнікі знайшлі бутэльку з гаручай вадкасцю і фрагменты яшчэ трох разбітых бутэлек.
Агнём усяго толькі пашкоджаны дзверы службовага ўваходу. Па факце падпалу заведзена крымінальная справа па ч.2 арт. 339 КК (хуліганства).
Сайт charter97.org раней паведамляў аб затрыманні актывістаў грамадзянскай кампаніі «Еўрапейская Беларусь» Улада Беразова і Аляксандра Кудлаева з сынам, якіх таксама падазраюць у гэтым падпале.
14 мая ў суддзе Партызанскага раёна Мінска (Дом правасуддзя) быў вынесены прысуд Андрэю Саннікаву, каардынатару грамадзянскай кампаніі «Еўрапейская Беларусь».
Каментары