Газпром» не лічыць неабходным увязваць падпісанне новага кантракта на пастаўку газу ў Беларусь з перамовамі аб набыцці 50% акцый ААТ «Белтрансгаз», заявіў журналістам 6 чэрвеня ў Сочы кіраўнік расійскага газавага холдынгу Аляксей Мілер.
Паводле яго слоў, здзелка па павелічэнні «Газпромам» долі ў «Белтрансгазе» да 100% знаходзіцца «ў
«На сёння пытанне, якое застаецца ў межах гэтай здзелкі, увязваецца беларускім бокам з падпісаннем новага кантракта на пастаўку газу ў Беларусь», — цытуе Мілера РІА Новости. Кіраўнік «Газпрома» нагадаў, што дзейны кантракт заканчваецца ў канцы 2011 года.
Пазіцыя расійскага боку, сказаў Мілер, зводзіцца да наступнага:
«Пытанне куплі акцый „Белтрансгазу“ і новы кантракт на пастаўку газу ў Беларусь — гэта два розныя дакументы, і не трэба ў адзін дакумент спрабаваць упісаць абсалютна розныя па сутнасці дамоўленасці».
Гэтыя пазіцыі раней абнародавалі і прадстаўнікі кіраўніцтва Расіі і Беларусі.
У прыватнасці, летась Аляксандр Лукашэнка заяўляў аб магчымасці продажу 50% акцый «Белтрансгазу», але ў абмен на пастаўку ў Беларусь газу па ўнутрырасійскіх цэнах.
У сакавіку гэтага года на пасяджэнні саюзнага Саўміна прэм’
Аднак 23 мая беларускі прэм’ер Міхаіл Мясніковіч, каментуючы ход перамоў аб продажы «Белтрансгазу», пацвердзіў: падчас гэтай здзелкі сапраўды абмяркоўваецца пытанне цаны на газ. «Размова ідзе не проста аб продажы — прадалі і забылі. Трэба, каб прадпрыемства працавала, каб трубы былі звязаны, пэўныя сродкі паступалі ў бюджэт. Адначасова вядзецца праца і па прагнозе цэн», — сказаў кіраўнік урада.
Старшы аналітык расійскага Інстытута энергетыкі і фінансаў Сяргей Агібалаў у інтэрв’ю БелаПАН выказаў думку, што Беларусь зараз не ў тым становішчы, каб агаворваць умовы па цане на газ. «Калі „Белтрансгаз“ будзе прададзены за 2,5 млрд. долараў, то, на мой погляд, гэта даволі высокая цана ўжо ў сабе ўтрымлівае падтрымку, субсідыю для беларускага боку. Іншыя бонусы беларускі бок наўрад ці атрымае», — выказаў меркаванне палітык.
Зараз 50% акцый ААТ «Белтрансгаз» належаць расійскай кампаніі «Газпром», астатнія 50% — беларускай дзяржаве.
Каментары