На нарадзе па пытаннях рэалізацыі інвестпраектаў у Мінску Лукашэнка моцна раскрытыкаваў гарадскія ўлады і кіраўніка горада Мікалая Ладуцьку.
«Добрыя і нашы гарадскія ўлады, іншыя органы і структуры. Бюракратызм, асабліва ў Мінгарвыканкаме, сёння пышна квітнее», — заявіў Лукашэнка.
«Прызначаючы новага старшыню выканкама і накіроўваючы туды кіраўніка адміністрацыі і міністра ўнутраных спраў як людзей прэзідэнта, якія павінны былі бачыць, што там адбываецца, я спадзяваўся, што атрымаю канкрэтную аддачу. Але ўсё наадварот: той бюракратызм, які вы развялі ў Мінгарвыканкаме, мяне насцярожвае. Гэта мне трэба скаргі выслухоўваць ад інвестараў, што тое не зрабілі своечасова, гэта гарвыканкам не дазволіў. Зацвердзіце адзін праект і не перашкаджайце людзям працаваць.
Здзеклівае стаўленне да людзей. Замежнікі прывезлі грошы, будуюць, а іх паўгода трымаюць у прыёмнай. Гэта што?
Вы такім чынам выкручваеце рукі, намякаеце, каб яны (інвестары) хабар вам далі?» — заявіў Лукашэнка.
Ён згадаў, што Масква «дае 40% расійскага бюджэту, мільярды даляраў. Вось што такое сталіца для краіны», перадае Інтэрфакс.
Лукашэнка заявіў, што ў яго было жаданне
«вечарам гарвыканкам зачыніць, а раніцай усіх адправіць на вуліцу і набіраць новы склад гарвыканкама.
Мы паглядзелі на ўсіх паверхах вашай працы: бюракратызм жудасны,
з людзьмі размаўляць не ўмееце».
Ён адзначыў, што ў яго раней была размова з старшынёй Мінгарвыканкама з гэтай нагоды.
«Але я яшчэ раз паўтараю: не дай бог, не патлумачыце па гэтых інвестпраектах і будзеце распавядаць, што ў гэтым не ваша віна.
Не дай бог, надалей пачую хоць адну скаргу — наракайце на сябе, там будзе новы старшыня гарвыканкама»,— адзначыў Лукашэнка. Ён запатрабаваў ад кіраўніка Мінска разабрацца са сваімі памагатымі і намеснікамі.
«Што гэта за наплявацельскае стаўленне да людзей? Я на гэта глядзець спакойна не магу».
Паводле Лукашэнкі, «сумна, што кіраўнік адміністрацыі прэзідэнта і міністар унутраных спраў, адказныя за горад, гэтага не бачаць. І ўрад таксама закрывае вочы. Валакіта, зацягванне часу. Ды цяпер трэба інвестара абдымаць, цалаваць, вадзіць за руку па Мінску, каб ён працаваў. Ён жа валюту вязе сюды».
Каментары