Нядзеля, 6 лістапада.
Кансерватыўна-хрысціянская партыя БНФ атрымала дазвол ад Мінгарвыканкама на прявядзенне мемарыяльнага шэсця ў Лошыцы 6 лістапада.
Збор удзельнікаў запланаваны а 12:00 ля Палаца культуры «Лошыцкі» (вуліца Маякоўскага, 129). Затым адбудзецца шэсце да месца пахавання ахвяраў сталінскіх рэпрэсій у лошыцкім яры, дзе а 13-й гадзіне пройдзе мітынг.
Шэсце ў Лошыцы на «Дзяды» — традыцыйная акцыя памяці продкаў, якую Кансерватыўна-хрысціянская партыя БНФ праводзіць каля дваццаці гадоў. «Дзяды» ў Лошыцы штогод адбываюцца пасля масавага шэсця да месца пахавання ахвяраў сталінскіх рэпрэсій у Курапатах.
Як паведаміў адзін з лідараў партыі Валеры Буйвал, сёлетняе шэсце і мітынг у Лошыцы пройдуць паводле сталай традыцыі: з транспарантамі, бел-чырвона-белымі сцягамі, кветкамі і сьвечкамі.
Цяпер чытаюць
Ад прыватнікаў патрабуюць завесці ідэолага ў штаце — распыталі, што робяць кампаніі17
Каментары