Хадаркоўскі: Расію чакаюць доўгі застой, затым рэвалюцыя, бо сам Пуцін не сыдзе
Экс-кіраўнік ЮКАСа Міхаіл Хадаркоўскі, які адбывае турэмны тэрмін у калоніі ў Сегежы, перадаў праз адвакатаў адказы на пытанні, якія яму задалі слухачы радыёстанцыі «Эхо Москвы», размясціўшай у аўторак тэкст адказаў на сваім сайце.
На думку Хадаркоўскага, рэвалюцыя ў Расіі непазбежная, але ў бліжэйшай перспектыве яе чакае доўгі застой.
«Баюся, што краіну чакае доўгі застой, палітычны крызіс і рэвалюцыйная (вельмі спадзяюся, што бяскроўная) змена улады. На жаль. Сам Пуцін не сыдзе, і рэальнага пераемніка ўжо не падрыхтуе. Задача ліберальнай апазіцыі -- абараняць каштоўнасці свабоды і правоў чалавека ў гады застою, змякчыць хаду і наступствы рэвалюцыі, стаць актыўнай і канструктыўнай часткай пострэвалюцыйнай кааліцыі», -- сказаў Хадаркоўскі.
Каментары