Дарожныя службы адрэагавалі на кожную 5-ю заяву ўдзельнікаў праекту.
Праект «БелЯма» дзейнічае ў Беларусі трошкі больш за месяц. Нагадаем, што ён акумулюе інфармацыю пра пра дэфекты дарожнага пакрыцця ў краіне. Сайт прадугледжвае актыўны ўдзел неабыякавых грамадзянаў з аказаннем ім прававой дапамогі.
За гэты час на сайт было запампавана 168 фотаздымкаў дарожных дэфектаў з усёй Беларусі. На дадзены момант у ДАІ знаходзяцца 46 заяваў неабыякавых грамадзянаў. Па 30 фотафактах праведзена праверка і гэтыя дэфекты выпраўленыя.
Найбольшую колькасць фотафактаў размясцілі аўтааматары з Мінска — каля 90. І акурат мінскія дарожнікі выправілі больш за палову дэфектаў — 16. На другім месцы дарожныя службы Буда-Кашалёва — 3 выпраўленыя дэфекты.
Цікава параўнаць эфектыўнасць працы праекту ў Расіі, Украіне і Казахстване. Калі ў Беларусі па выніках зваротаў у ДАІ выпраўлена каля 18% зафіксаваных дэфектаў дарожнага пакрыцця, то ў Расіі —каля 24%, ва Украіне — каля 6%, а ў Казахстане — ніводзін з 9 фотавактаў не выклікаў рэакцыі ў адпаведных органах.
Каментары