На ім будзе прадэманстравана каля 400 фільмаў
Каля 400 фільмаў будуць прэзэнтаваныя на 57‑м Міжнародным кінафэстывалі ў Бэрліне.
За Залатога Мядзьведзя будуць змагацца 22 фільмы, сярод іх: «Добры агент» Робэрта дэ Ніра, створаны на падставе біяграфіі аднаго з заснавальнікаў ЦРУ, «Жыцьцё ў ружовым сьвятле» Алівэра Даана пра жыцьцё Эдыт Піаф, «Добры немец» Стэфана Садэрбэрга пра падзеі ў паваенным Бэрліне, «Анёл» Франсуа Азона, а таксама «Бывай, Бафана» Біле Аўгуста пра жыцьцё Нэльсана Мандэлы.
57‑ы Бэрлінскі фэстываль працягнецца да 18 лютага. Акрамя Залатога Мядзьведзя за найлепшы фільм, будуць раздавацца і Срэбраныя Мядзьведзі – за выбраныя фільмы, а таксама лепшаму рэжысэру, акторцы, актору, за дэкарацыі і за найлепшую музыку. Асобныя ўзнагароды прызначаюцца ў конкурсе кароткамэтражных фільмаў.
«Бэрлінале» зьяўляецца адным з найбольш значных міжнародных кінафэстываляў сьвету. Праводзіцца з 1951 г. У мінулым годзе Залаты Мядзьведзь дастаўся драме «Грбавіца» басьнійскай рэжысэркі Ясмілі Збаніц.
-
Маладая актрыса Коласаўскага тэатра, якая зачапіла людзей выказваннем пра беларускую мову, звальняецца
-
Па-беларуску выйдзе «Беларускі снайпер» пасла Шарэпкі, а Квяткоўскі напісаў працяг «Фрашак»
-
Мужчыны плачуць! Акцёр і музыка «Разбітага сэрца пацана» Павел Гарадніцкі зрабіў спектакль на вершы Мікіты Найдзёнава
Васкрасенскі: Адкрываецца неба — і Алесь Бяляцкі адразу выходзіць31
Каментары