Cёння стала вядома, што 12 лютага, прыкладна, а6-й раніцы на будаўнічай пляцоўцы Астравецкай АЭС адбыўся пажар.
Як паведамілі з месца будаўнікі, загарэлася бытавое памяшканне на ахоўнай тэрыторыі будаўнічай пляцоўкі. Паводле спецыялістаў, папярэдняй прычынай загарання магла стаць няспраўнасць электрасетак абагрэву.
Ёсць звесткі, што ў агні згарэла маёмасць рабочых, якія карысталіся бытоўкамі.Папярэдне матэрыяльныя страты ад пажару ацэньваюцца прыблізна ў 10 мільёнаў рублёў. Дзеля высвятлення прычыны пажару створаная адмысловая камісія.
У аддзяленні Міністэрства па надзвычайных сітуацыях па Астравецкім раёне паведамілі, што абышлося без чалавечых ахвяраў.
Сёння Аляксандр Лукашэнка чарговым разам заявіў, што ўзвядзенне першай беларускай АЭС «ёсць скрайне важным праектам» як для Беларусі, так і для Расіі, якая амаль што цалкам крэдытуе будаўнічыя працы.
Каментары