Грамадскія актывісты зладзілі талаку на сядзібе садавода Івана Сікоры
Каля 20 чалавек сабраліся на талаку 29 красавіка на сядзібе садавода-селекцыянера Івана Сікоры ў вёсцы Малыя Алашкі Шаркоўшчынскага раёна (Віцебская вобласць).
У талацэ прынялі ўдзел краязнаўцы, мастакі, грамадскія актывісты з усяго рэгіёна. Прыехалі Ганна Базарэвіч з Браслава, Ада і Алег Райчонкі з Германавічаў, Зміцер Курцэвіч з Дзеркаўшчыны, Міхал і Лілія Гілі, Ігар Пракаповіч з Паставаў ды інш. Як распавяла грамадская дзяячка Ада Райчонак, удзельнікі талакі прыбралі смецце, адрамантавалі брамку, спілавалі сухія галіны з дрэў, пасадзілі кветкі. Калі мелі перапынак у працы, частаваліся гарбатай са старадаўняга самавару і пернікамі, што спякла Лілія Гіль.
Калі талака скончылася, выдавец Валер Булгакаў і гісторык Алесь Пашкевіч правялі прэзентацыю кніг і часопісаў «Архэ».
***
Іван Сікора нарадзіўся ў 1885 годзе ў вёсцы Малыя Алашкі (зараз Шаркоўшчынскі раён). У 20-я гады ХХ ст. працаваў настаўнікам; звольнены на загад польскіх уладаў, бо выкладаў па-беларуску. Пасля звальнення з настаўніцкай працы асвоіў працу садавода. Вывеў каля 500 гатункаў яблыні, 100 гатункаў ігруш, многія гатункі сліваў, бэзу, ружаў. У многіх садах нашага краю растуць яблыкі «Памяць Сікоры» – яны смачныя і добра захоўваюцца. Іван Сікора памёр у 1966 годзе. Некалькі год таму сябры культурна-асветніцкага цэнтра імя Язэпа Драздовіча набылі хату садавода, падтрымліваюць там парадак.
Віктар Сікора, сын Івана, пры нямецкай акупацыі быў сябрам Саюза беларускай моладзі і Беларускай незалежніцкай партыі. Пасля прыходу Чырвонай арміі ўзначаліў антысавецкі партызанскі атрад. Адседзеў дзесяць год у ГУЛАГу, вярнуўся ў 1954 годзе. Жыў у Малых Алашках, памёр у 2008 годзе.
Біцэпсы Івана Краўцова здзівілі сацсеткі. Ён расказаў, як трымае сябе ў спартыўнай форме32
Біцэпсы Івана Краўцова здзівілі сацсеткі. Ён расказаў, як трымае сябе ў спартыўнай форме
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
Каментары