Лукашэнка адзначыў, што ў свой час ён скончыў расейскамоўную сярэднюю школу
Аляксандр Лукашэнка мяркуе, што чалавек мае права сам выбіраць, на якой дзяржаўнай мове яму вучыцца — расійскай або беларускай.
«Навошта падымаць пытанні, калі яны даўно вырашаныя або спакойна вырашаюцца самі па сабе», — заявіў Лукашэнка, наведваючы ў пятніцу Полацкі дзяржаўны універсітэт.
Гэтае пытанне ўзнікла ў час наведвання Лукашэнкам бібліятэкі гістарычнага факультэта ВНУ, калі ён убачыў падручнікі па гісторыі на расейскай мове.
«Чаго вы вырашылі перайсці на адну мову?», — спытаў Лукашэнка ў чыноўнікаў, якія суправаджалі яго.«Навошта лезці ў гэтыя пытанні? Хоча Косінец [старшыня Віцебскага аблвыканкама] вывучаць на беларускай мове гісторыю сярэдніх вякоў — хай вывучае. Хоча Радзькоў [першы намеснік кіраўніка адміністрацыі прэзідэнта] вывучаць на расійскай мове — хай вывучае», — сказаў ён.
Лукашэнка адзначыў, што ў свой час ён скончыў расейскамоўную сярэднюю школу. «Але я нармальна здаваў іспыты і на беларускай мове», — сказаў Лукашэнка.
У кантэксце апошніх падзей гэта азначае забарону пераводу навучання гісторыі і геаграфіі Беларусі на беларускую мову — з такой ініцыятывай быў выступіў міністр Маскевіч. Раней іх выкладалі на роднай мове ва ўсіх сярэдніх школах, але ў часе міністравання Радзькова выкладанне перавялі на «любую мову па жаданні бацькоў», што маскавала перавод на расейскую ў рэальнасці.
Чэргаў на мяжы цяпер не будзе? Чаго чакаць ад адкрыцця «Брузгоў» і «Бераставіцы»9
Каментары