Першае выпрабаванне — па беларускай мове — пройдзе 13 чэрвеня.
Па папярэдніх дадзеных, больш за 140 тыс. абітурыентаў зарэгістраваліся для ўдзелу ў цэнтралізаваным тэставанні (ЦТ). Аб гэтым паведаміў за гадзіну да афіцыйнага закрыцця пунктаў рэгістрацыі дырэктар Рэспубліканскага інстытута кантролю ведаў Мікалай Фяськоў.
Па словах Мікалая Фяськова, усе камп’ютары ў пунктах рэгістрацыі аўтаматычна завершаць сваю працу ў 19.00. Пасля гэтага часу зарэгістравацца для праходжання ЦТ будзе немагчыма. «На 18.00 зарэгістравана 140 тыс 754 абітурыента», — сказаў ён. Гэта складае больш за 394 тыс.
Дакладны лік удзельнікаў уступнай кампаніі стане вядомы праз некалькі дзён, калі будзе пераправерана ўся база, выяўлены «двайнікі» або тыя абітурыенты, якія зарэгістраваліся на чатыры выпрабаванні.
Першае выпрабаванне — па беларускай мове — пройдзе 13 чэрвеня. 14 чэрвеня абітурыенты здадуць рускую мову, 16 чэрвеня — біялогію, 17 чэрвеня — матэматыку, 19 чэрвеня — грамадазнаўства, 20 чэрвеня — хімію, 21 чэрвеня — сусветную гісторыю найноўшага часу, 23 чэрвеня — фізіку, 24 чэрвеня — гісторыю Беларусі, 26 чэрвеня — замежныя мовы, 27 чэрвеня — геаграфію. Усе выпрабаванні будуць пачынацца ў 11.00.
Цяпер чытаюць
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне6363
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне63
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1717
Каментары