Міністэрства ўнутраных спраў Чэхіі зарэгістравала грамадскае аб’яднанне «Рух салідарнасці «Разам», сказаў старшыня руху Вячаслаў Сіўчык.
Паводле яго слоў, грамадскае аб’яднанне мае статус міжнароднага, і яго дзейнасць, згодна са статутам, можа распаўсюджвацца на тэрыторыі іншых краін. «Такім чынам, рух, які ўжо шэсць гадоў дзейнічаў як аргкамітэт па стварэнні арганізацыі, атрымаў статус юрыдычнай асобы», — сказаў Сіўчык.
Сваімі галоўнымі задачамі рух лічыць «барацьбу з этнацыдам у Беларусі, абарону беларускіх прадпрымальнікаў, супрацьстаянне палітычным рэпрэсіям». «Таксама рух прыкладае намаганні па выпрацоўцы стратэгіі дзеянняў праеўрапейскіх сіл у Беларусі», — адзначыў ён.
Місіяй руху з’яўляецца паляпшэнне асветы, адукацыі, сацыяльных умоў і падтрымка развіцця нацыянальнай культуры ў Беларусі, ва Украіне і ў краінах Усходняй Еўропы.
«Дзейнасць аб’яднання будзе сканцэнтравана на рэалізацыі праектаў па дэмакратызацыі Беларусі і Украіны, індывідуальнай падтрымцы асоб у гэтых дзяржавах, арганізацыі і правядзенні культурных, асветных і агітацыйных мерапрыемстваў, скіраваных на падтрымку і прэзентацыю Беларусі і Украіны, і на супрацоўніцтве з падобнымі арганізацыямі, навучальнымі і адукацыйнымі ўстановамі і іншымі суб’ектамі ў сферы дэмакратызацыі», — сказаў Сіўчык.
Ён адзначыў, што з моманту рэгістрацыі ў Чэхіі «Руху салідарнасці «Разам» ён зможа «весці афіцыйныя перамовы з уладамі еўрапейскіх дзяржаў, міністэрствамі і адміністрацыямі гарадоў з мэтай атрымаць максімальную падтрымку для Беларусі, для выхаду з тупіка апошняй дыктатуры Еўропы».
«Рэгістрацыя руху — вялікая маральная падтрымка нашых калег у Беларусі», — падкрэсліў Сіўчык.
-
Плітку ў гомельскіх школах замест рабочых клалі настаўнікі
-
Качанава: З задавальненнем пачытала Захара Прылепіна. А з любімага — Пушкін, Талстой і праваслаўная літаратура
-
«Ён казаў, што золата з сабой не забярэш, лепей зрабіць нешта для іншых». Дачка бізнэсмена Каліна расказала, як разам з братам чакае яго з калоніі
Каментары