Пра гэта гаворыцца ў заяве, размешчанай на сайце spring96.org.
Праваабаронцы адзначаюць, што Сяргей Башарымаў быў затрыманы і ўзяты пад варту ў СІЗА КДБ 7 ліпеня, а фатограф Антон Сурапін — 13 ліпеня.
17 і 23 ліпеня адпаведна ім павінна было быць прад’яўлена абвінавачванне па частцы 3 артыкула 371 Крымінальнага кодэкса Беларусі (незаконнае перасячэнне дзяржаўнай мяжы Рэспублікі Беларусь). Аднак паводле інфармацыі, атрыманай ад родных затрыманых, абвінавачанні выстаўленыя толькі Башарымаву.
«Такім чынам КДБ Беларусі расцаніла размяшчэнне Антонам Сурапіным фатаграфій меркаванага палёту шведскага самалёта ў беларускай паветранай прасторы.Яшчэ больш абсурднымі выглядаюць абвінавачванні Сяргея Башарымава, які здаваў у арэнду кватэру грамадзянам Швецыі», — канстатуюць праваабаронцы.
У заяве адзначаецца, што арышты Сурапіна і Башарымава адбываюцца на фоне заяў Міністэрства абароны Беларусі, якія не пацвярджаюць сам факт перасячэння дзяржаўнай мяжы Рэспублікі Беларусь.
Варта таксама адзначыць, што беларускія ваенныя і памежнікі спачатку катэгарычна абвяргалі факт перасячэння дзяржмяжы замежным самалётам. Зараз прэзідэнцкая камісія праводзіць праверку ўсіх злучэнняў і воінскіх часцей
Цяпер чытаюць
23‑гадовы ахоўнік з Астраўца загінуў за Расію на вайне. Паваяваў ён, відаць, каля месяца16
Каментары