Аляксандру Мілінкевічу адмовілі ў жывым эфіры на тэлебачаньні напярэдадні гадавіны Чарнобылю.
Першы тэлеканал адмовіў Аляксандру Мілінкевічу ў жывым эфіры 25 красавіка.
Нагадаем, 6 красавіка А.Мілінкевіч зьвярнуўся да старшыні Нацыянальнай дзяржаўнай тэлекампаніі з просьбай прадставіць магчымасьць у прамым эфіры абмеркаваць дзейнасьць дзяржаўных органаў па пераадоленьні наступстваў чарнобыльскай катастрофы. Таксама спадар Мілінкевіч прасіў даць магчымасьць для ўдзелу ў праграме запрошаных ім прадстаўнікоў экспэртаў і ліквідатараў.
Паводле Аляксандра Мілінкевіча, існуюць сур’ёзныя падставы сьцьвярджаць аб замоўчваньні ўладамі праблемаў, зь якімі сутыкаюцца ліквідатары, людзі, што жывуць на забруджаных тэрыторыях, усе грамадзяне Беларусі, якім у выніку палітыкі ўладаў даводзіцца спажываць прадукты харчаваньня з забруджаных тэрыторый.
Спадар Мілінкевіч заявіў пра тупіковасьць сацыяльна‑эканамічнай палітыкі беларускіх уладаў, што не дазваляе эфэктыўна вырашаць паўсталыя праблемы, а таксама атрымліваць у неабходным аб’ёме міжнародную дапамогу ў справе мінімізацыі наступстваў аварыі.
Старшыня тэлекампаніі [Аляксандар Зімоўскі] ў сваім адказе выказаў сумнеў у кампэтэнтнасьці А.Мілінкевіча і незалежных экспэртаў. Ён сказаў, што ў эфір выйдуць перадачы па чарнобыльскай тэматыцы, у якіх апавядаецца пра тое, што Беларусь адна змагаецца з наступствамі гэтай катастрофы.
Цяпер чытаюць
Што людзі кажуць аб праездзе праз «Брузгі» і «Бераставіцу» і чаму ў апошняй стаяць па 12 гадзін6
Што людзі кажуць аб праездзе праз «Брузгі» і «Бераставіцу» і чаму ў апошняй стаяць па 12 гадзін
«Наіўна спадзяваліся зарабляць у Еўропах, прыязджаць дадому лячыць зубы на халяву і здаваць кватэру». Прапаганда пачала апраўдваць дарагія жыроўкі для «дармаедаў»1919
Каментары