Армада шпакоў адпрацоўвала ў Мінску групавы пілатаж — фотафакт
Напярэдадні халадоў пералётныя птушкі збіраюцца ў велізарныя чароды, каб падрыхтавацца да шматкіламетровых пералётаў туды, дзе цяплей.
Карэспандэнт БелаПАН стаў сведкам «злёту» шпакоў, які адбываўся надоечы побач з МКАД. Пасеўшы стройнымі шэрагамі на дратах высакавольтных ліній птушкі, нібы паводле нябачнай каманды, дружна ўздымаюцца ў шэрыя восеньскія нябёсы, адпрацоўваючы фігуры «групавога пілатажу».
Нашы шпакі зімуюць, як правіла, на поўдні Еўропы.Кажуць, жыхары некаторых гарадоў Італіі ў гэтую пару імкнуцца не з’яўляцца на вуліцы ў вячэрні час,
калі верашчанне шпакоў, якія хмарамі лётаюць над вуліцамі і плошчамі, здольна заглушыць нават шум транспарту.
Каментары