Заява кіраўніка Беларусі Аляксандра Лукашэнкі, у якой ён абразліва выказваецца пра палітыку Літвы, прэм’ер Літвы Андрус Кубілюс назваў адлюстраваннем нізкай унутранай культуры, на якую [заяву] ўрад Літвы рэагаваць не будзе.
«На такія заявы нізкай культуры мы, несумненна, не рэагуем. А наогул даводзіцца шкадаваць, што нашага суседа не ўпершыню даводзіцца ацэньваць па такога роду адбітках нізкай ўнутранай культуры», — у аўторак заявіў у інтэрв’ю Літоўскаму радыё А.Кубілюс.
Так прэм’ер Літвы адказаў на пытанне, што ён думае наконт выказвання А.Лукашэнкі аб выпадзе супраць пасольства Літвы ў Мінску 6 лістапада,
калі на тэрыторыю дыпламатычнага прадстаўніцтва кінулі бутэлькі з кактэйлем Молатава.
«Гэта ніякія не тэрарысты, і не трэба тут бачыць нейкіх тэрарыстаў», — сказаў у панядзелак на сустрэчы са студэнтамі і выкладчыкамі БДЭУ Беларусі А.Лукашэнка, звінаваціўшы Літву ў «жлобскай палітыцы».
Цяпер чытаюць
Беларуская айцішніца Эля распрацавала свой рэцэпт сыркоў, падобных да тых, што з пандай. І паспяхова прадае іх у Варшаве1
Беларуская айцішніца Эля распрацавала свой рэцэпт сыркоў, падобных да тых, што з пандай. І паспяхова прадае іх у Варшаве
«Аднавілі грамадскі парадак, не саступіўшы патрабаванням новых выбараў». Што піша Грокіпедыя пра пратэсты, Лукашэнку, мову і як дзеліць спадчыну ВКЛ1313
Каментары