На Канскім фэсьце Пуціна абвінавачваюць у забойстве
У пазаконкурсную праграму Канскага кінафэсту нечакана ўключаны фільм пра сьмерць Аляксандра Ліцьвіненкі, атручанага радыёактыўным палёніем.
Канскі фэст прайшоў праз экватар. Ужо былі прадстаўленыя стужкі Вонга Кар Вая і Дэйвіда Фінчэра, паказаны кінаальманах 35 рэжысэраў, а крытыкі спрачаюцца, хто атрымае прыз: браты Коэны (“Для старых тут месца няма”), Гас Ван Сэнт (“Параноід парк”) ці аборталюбная румынская стужка Крыстыяна Мунджу.
Раман Палянскі пасьпеў пасварыцца з журналістамі, абвінаваціўшы іх у гультайстве й непрафэсійнасьці, а Марцін Скарсэзэ абвясьціў пра стварэньне Сусьветнага фонду кіно (дзе Ўсходняй Эўропе – адмысловая ўвага!).
Але найбліжэйшая субота абяцае палітычны скандал. У пазаконкурсную праграму нечакана ўключаная не заяўленая раней дакумэнтальная стужка “Бунт. Справа Ліцьвіненкі”.
Гэтая 53-хвілінная карціна зьнятая рэжысэрам Андрэем Някрасавым – сябрам Ліцьвіненкі, якога атруцілі радыёактыўным палёніем. Някрасаў абвінавачвае ў забойстве Ўладзімера Пуціна, а таксама распавядае пра расейскую павуціну карупцыі.
Арганізатары фэсту абвясьцілі пра стужку толькі, калі фэст дайшоў да сярэдзіны. Такая сакрэтнасьць зьвязаная з палітычным зьместам карціны. Дарэчы, Расея прадстаўленая ў конкурсе стужкамі Зьвягінцава (“Выгнаньне”) і Сакурава (“Аляксандра”).
У 2004 годзе Каны ўжо скідвалі з п’едэстала аднаго прэзыдэнта – Майкл Мур выкрываў Джорджа Буша. Сёлета надышла чарга для расейскага кіраўніка, да якога ў эўрапейцаў абвінавачваньняў ня менш.
У суботу будуць прад’яўленыя кінадоказы.
Паводле сайту Film.ru. Фота з сайту Lenta.ru
Цяпер чытаюць
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу1
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне8282
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне82
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1919
Каментары