Паўгоду працы ў Расеі хапіла, каб лідэр АГП падтрымаў Лукашэнку.
«Я перакананы, што з расейскім рэжымам нам можа быць нашмат горш, — кажа Лабановіч. — Дакладней, значна безвыходней. Можа быць так, што мы ўжо нічога вырашаць ня будзем. Так што ў пытаньні абароны сувэрэнітэту Беларусі перад крамлёўскай пагрозай мы як апазыцыя павінны Лукашэнку падтрымаць. Магчыма, перад абліччам новых выклікаў нам трэба перагледзець сваё стаўленьне да Лукашэнкі, а можа быць, нават шукаць шляхі збліжэньня зь цяперашняй уладай». На думку Лабановіча, «пападаньне Лукашэнкі між кавадлам і молатам Усходу й Захаду прывядзе не да падзеньня рэжыму, а да падзеньня Беларусі пад ударам усходняга молата».
Спрэчкі вакол стаўленьня апазыцыйных сілаў да канфлікту Пуціна й Лукашэнкі вядуцца столькі, колькі існуе гэты канфлікт. Сёлета, пасьля прадказальных прэзыдэнцкіх выбараў у Расеі, магчымы працяг «расейска-беларускай інтэграцыйнай дыскусіі» з усімі наступствамі. Апазыцыя апынецца на чарговых ростанях: падтрымаць свой, няхай і аўтарытарны рэжым альбо паспрабаваць прыйсьці да ўлады з дапамогай Масквы.
30 сьнежня ў «Народнай волі» зьявілася інтэрвію зь Яўгенам Лабановічам, кіраўніком менскай гарадзкой арганізацыі АГП.
Поўны варыянт артыкулу глядзіце ў газэце "Нашa Ніва".
Алег Тачоны
Што людзі кажуць аб праездзе праз «Брузгі» і «Бераставіцу» і чаму ў апошняй стаяць па 12 гадзін6
Што людзі кажуць аб праездзе праз «Брузгі» і «Бераставіцу» і чаму ў апошняй стаяць па 12 гадзін
«Наіўна спадзяваліся зарабляць у Еўропах, прыязджаць дадому лячыць зубы на халяву і здаваць кватэру». Прапаганда пачала апраўдваць дарагія жыроўкі для «дармаедаў»1919
Каментары