Унівэрсытэт «Віядрына» (з лац. — «над Одрай») быў заснаваны на пачатку XVI ст. і цягам 300 гадоў быў адзінай вышэйшай навучальнай установай зямлі Брандэнбург. Зь яго сьценаў выйшлі такія знакамітасьці, як браты Гумбальты, Томас Мюнцэр, Генрых Кляйст. У 1811 г. пасьля адкрыцьця ўнівэрсытэту ў Бэрліне і сыходу ў прускую сталіцу прафэсараў унівэрсытэту «Віядрына» была зачынена.
Другое яго адкрыцьцё адбылося ў 1991 годзе. Гэта ўжо былі іншыя часы: ня стала жалезнае заслоны, зноў аднавіў дзейнасьць мост, які злучае нямецкі Франкфурт-на-Одры з польскім горадам Слубіцы. Да вайны Слубіцы былі зарэчным прадмесьцем Франкфурту.
Дарэчы, карпусы і інтэрнаты «Віядрыны», якая цяпер складаецца з трох факультэтаў — права, эканомікі, культуралёгіі, — разьмяшчаюцца абапал ракі — і ў Нямеччыне, і ў Польшчы.
А дзяржаўная мяжа на мосьце цераз Одру для грамадзян аб’яднанай Эўропы сымбалічная. Неабходна толькі паказаць пашпарт або пасьведчаньне кіроўцы. Беларускія студэнты, якія вучацца ў Франкфурце, а жывуць у Слубіцах, паказваюць толькі студэнцкі білет.
Навучаньне
Прывіталі студэнтаў былога ЭГУ з усімі пашанамі. На вакзале іх сустрэлі з хлебам і сольлю. Ужо ў першы дзень беларусы былі прынятыя прэзыдэнтам унівэрсытэту (і кандыдаткай на прэзыдэнта Нямеччыны на апошніх выбарах) Гезінай Шван і обэр-бургамістрам Марцінам Патцэльтам. «Я вельмі шчасьлівая, што студэнты ЭГУ могуць вучыцца ў нашым унівэрсытэце», — заявіла падчас прывітальнай прамовы спн.Шван.
Поўны варыянт артукулу чытайце ў папяровай і pdf-вэрсіі гаэты "Наша Ніва"
Надзея Галубовіч, Франкфурт-на-Одры
Цяпер чытаюць
Латушка: У Пяткевіч трэсліся рукі, галава, яна тупала, крычала: «Вы насаджаеце нацыяналізм»39
Каментары