Znaki prypynku
* * *
Dyjaloh dla niečaha.
— Praz toje, što jość semity, jość antysemity. Tak?.. Kali ž jość semity i antysemity, dyk pavinny być…
— Nu-nu… Chto?
— A chto jaho viedaje!.. Praz toje, što jość semity i antysemity, niama šmat čaho inšaha, što pavinna było b być.
* * *
Pra dzicia možna skazać: «Cieła małoje, a duša ž usia». Daŭno heta našu — i nikudy nie ŭstaŭlajecca. Musić, dastatkovaje samo pa sabie.
* * *
Jon lubiŭ słuchać muzyku, ležačy… Tak słuchaŭ i ŭ trunie.
* * *
Zachaplajemsia: jak słaŭna ŭsio, hospadzie, naładziŭ ty ŭ śviecie!.. I nie adčuvajem: jak?
Voś dla kaho hrajuć na pachavańni? Chiba dla niabožčyka, jaki nia čuje?.. Nie. Značyć, ihrajuć dla žyvych. Tady čamu hetak sumna?.. Heta ž radaść: jon užo tam, a my jašče tut!
Žyćcio, uładkavanaje ludźmi, jakraz i nie daje adčuć jaho tak, jak jano ŭładkavanaje Boham.
* * *
Sys pryčapiŭsia: «Addaj mnie televizar! Ty ŭsio adno jaho nie ŭklučaješ, a ja futboł pabaču…»
Addaŭ jamu televizar.
Praz paru dzion zvonić: «Ty našto mnie daŭ televizar taki haŭniany! Ja loh hladzieć, a našy prajhrali!»
Pytajusia (bo razmova pra čempijanat Eŭropy, dzie biełarusaŭ nie było): «Jakija našy?»
«Ruskija!»
Vo tabie i nacyjanalist. «U rasiejcaŭ šabli kasyja, u rasiejcaŭ vočy Batyja…» I hetaki nacyjanalizm doŭžycca ŭ Biełarusi ŭžo bolš za try stahodździ. Ad Trynaccacihadovaj vajny, u jakoj našy (užo i nia ŭciamić, jakija?) prajhrali. U čym paspryjali taksama našy: ukrainskija kazaki, jakija vystupili suprać Vialikaha Kniastva Litoŭskaha na baku maskoŭskaha cara. I ŭ ich taksama byli «šabli kasyja».
Skroź našy — i ŭsie našy prajhrajuć.
«Viedajecie, jak kamientuje vaša zatrymańnie apazicyja? «Aryštavany pamahaty režymu». Turemnaja spoviedź lidara prafsajuzaŭ Jarašuka2
«Viedajecie, jak kamientuje vaša zatrymańnie apazicyja? «Aryštavany pamahaty režymu». Turemnaja spoviedź lidara prafsajuzaŭ Jarašuka
«Ruki preč ad sasisačak!». U sacsietkach horača abmiarkoŭvajuć baraćbu Łukašenki z kavaj na zapraŭkach. Niekatoryja zaklikajuć dziejničać bolš žorstka1111
Kamientary