Heta film pra dyktatara, jaki pieraśleduje apazycyju i naryvajecca, urešcie, na mižnarodny trybunał. Cikava?
Pierakładnica ŭ AAN (Nikol Kidman) vypadkova daviedvajecca pra plany zabojstva afrykanskaha lidera. Adzinaja nadzieja vyratavacca samoj i vyratavać inšych ludziej — specahient z posttraŭmatyčnym syndromam (Šon Pen).
Heta pieršy ihravy film, źniaty ŭ budynku AAN. U siužecie majucca: zmovy, pieraśled, stralanina, zabojstva. Ale film chałodny, jak Nikol Kidman. Jość namiok na luboŭnuju liniju, ale niama vybuchovaj sumiesi dobraha detektyvu. Hałoŭnaja prablema hierojaŭ filmu — što ž rabić z dyktatarami: zmahacca ź imi ŭzbrojena ci sudzić mižnarodnym trybunałam. Karaciej, nie dapracavaŭ Połak. Ale biełarusam usio adno spadabajecca. Aktualna, ci viedajecie. Choć moda na palityčnyja detektyvy minułasia, a dyktatury ŭ śviecie možna pieraličyć na palcach.
Darečy, režyser «Pierakładnicy» Sydni Połak byŭ adnym z najlepšych majstroŭ palityčnaha detektyvu, što kvitnieŭ u 1970-ja. Navat saviecki prakat zakupiŭ jahonyja «Try dni Kondara».
∎
«Pierakładnica» («The Interpreter»)
ZŠA—Vialikabrytanija—Francyja, 2005, kalarovy, 128 chv.
Žanr: palityčny detektyŭ.
Adznaka: 4 (z 10).
Kamientary