Pazaštatnaha aŭtara «Narodnaje Voli», piśmieńnika Vasila Hrodnikava znajšli miortvym u svaim domie ŭ Zasłaŭi (Mienščyna) 18 kastryčnika.
Mikałaj Hrodnieŭ adrazu kazaŭ, što brata mahli zabić. Adnak u toj dzień milicyja versiju zabojstva navat nie razhladała. Unutranaje krovaźlićcio, ad jakoha pamior žurnalist, maŭlaŭ, mahło być vyklikana niaŭdałym padzieńniem. Adnak 19 kastryčnika pryjšli źviestki sudmedekspertyzy ź Mienskaj abłasnoj kliničnaj bolnicy: pryčyna śmierci V.Hrodnikava — čerapna-mazhavaja traŭma ŭ vyniku ŭdaru tupym pradmietam. U toj samy dzień kryminalnuju spravu pa fakcie śmierci pieradali ŭ Mienskuju rajonnuju prakuraturu, śledčamu Dźmitryju Kirylčyku.
Pavodle słovaŭ redaktara «NV» Iosifa Siaredziča, z V.Hrodnikavym jany bačylisia niekalki tydniaŭ tamu: «Apošni hod my supracoŭničali epizadyčna, i, pieravažna ź inicyjatyvy hazety». U razmovie z karespandentam «NN» I.Siaredzič adznačyŭ, što V.Hrodnikaŭ nia byŭ źviazany z palitykaj. «Jon cudoŭna vałodaŭ biełaruskim słovam, lohka pisaŭ. U asnoŭnym na sacyjalnyja temy».
Kožnaje zdareńnie z žurnalistam, paśla źniknieńnia Źmitra Zavadzkaha i zabojstva Vieraniki Čarkasavaj, usprymajecca z unutranym napružańniem. Asabliva kali hetamu spadarožničajuć niavyśvietlenyja akaličnaści. Tamu śmierć Vasila Hrodnikava adrazu stała padstavaj dla šmatlikich čutak i versijaŭ. Chaciełasia b spadziavacca, što raśśledavańnie nie zaciahniecca na niapeŭny čas, jak heta adbyłosia z spravaj V.Čarkasavaj. Śledztva znoŭ źviarnułasia da syna: eksperty praz hod paśla pačatku raśśledavańnia paviedamili, što znajšli ślady Antonavaj kryvi ŭ kvatery. Praŭda, svajaki nia vierać hetym zajavam. Maci žurnalistki Dyjana Čarkasava źviazvaje pryčynu hučnych źvinavačańniaŭ z tym, što minuŭ hod paśla trahiedyi: «Pierad takoj dataj im treba niešta havaryć, pakazvać niejkija vyniki».
Kamientary