Siłaviki vydali svaju viersiju spravy afhanca z amputavanaj rukoj. Dadali i jahonyja chvalebnyja słovy
Ministerstva ŭnutranych spraŭ adreahavała na dniami apublikavanuju infarmacyju pra byłoha afhanskaha vajskoŭca, jaki byŭ nibyta źbity biełaruskimi siłavikami tak, što jamu daviałosia amputavać ruku. Pavodle aficyjnaj zajavy MUS, infarmacyja pra źbićcio nie adpaviadaje rečaisnaści, choć fakt kalectva afhanskaha aficera pryznajecca.
Pa viersii MUS, afhaniec Džychad Machamad Hul prybyŭ u Biełaruś z Rasii. 30 červienia jaho zatrymali ŭ Minsku razam z hrupaj nielehalnych mihrantaŭ. Pakolki ŭ mužčyny skončyŭsia termin dziejańnia rasijskaj vizy, jakaja dazvalała znachodzicca ŭ Biełarusi, to 1 lipienia jon samastojna pakinuŭ Biełaruś i pajechaŭ u Rasiju.
«Adnak mužčyna niezakonna viarnuŭsia ŭ Biełaruś i 27 lipienia źviarnuŭsia ŭ staličnuju ŭstanovu achovy zdaroŭja. Paśla akazańnia mieddapamohi adpuščany, ale praz dva dni špitalizavany i znachodziŭsia na lačeńni da 20 vieraśnia», — paviedamlajuć siłaviki.
Paśla taho 9 vieraśnia ŭ Departamient pa hramadzianstvie i mihracyi, jak śćviardžajecca, pastupiŭ zvarot ad Pradstaŭnictva AAN pa spravach uciekačoŭ, što hety čałaviek z amputavanaj rukoj žadaje padać chadajnictva ab nadańni statusu biežanca abo inšaj formie abarony ŭ Biełarusi. 22 vieraśnia DHiM paviedamiŭ, što paśla zakančeńnia lačeńnia jamu treba asabista źviarnucca va ŭpraŭleńnie pa spravach mihrantaŭ Viciebskaj vobłaści dla padačy chadajnictva. Taksama jamu prapanavali miesca ŭ punkcie časovaha raźmiaščeńnia biežancaŭ u Viciebsku.
Siońnia, jak śćviardžaje pres-słužba MUS, mužčyna pryjechaŭ u Viciebsk dla padačy chadajnictva, dzie jaho sustreli z hatoŭnaściu dapamahčy.
U svaju čarhu, hałoŭnaja doktarka Haradskoj kliničnaj balnicy chutkaj miedycynskaj dapamohi horada Minska Volha Śviatlickaja zajaviła, što miedyki zrabili ŭsio mahčymaje, kab zachavać žyćcio pacyjenta. Pa jaje słovach, jon prabyŭ u balnicy 52 dni, a vydatki biudžetu na jaho lačeńnie pieravysili 56 tysiačaŭ rubloŭ i pakul nie kampiensavanyja.
Pytańnie, dzie Džychad Machamad Hul tak pakalečyŭsia, što jamu spatrebiłasia amputacyja, abychodziać jak siłaviki, tak i doktarka.
Nie prajaśniaje hetaha i sam mužčyna, u paviedamleńni MUS pryvodziacca tolki hetyja nibyta skazanyja im słovy:
«Fizičnaja siła z boku biełaruskich palicejskich da mianie nie prymianiałasia. I ja chaču pryvieźci ŭ Biełaruś svaju siamju, bo tut biaśpiečna!»
Byłoha afhanskaha vajskoŭca tak mocna pabili ŭ Biełarusi, što jamu daviałosia amputavać ruku
Prakuratura choča, kab milicyja bolš žorstka karała chatnich tyranaŭ: patrabujuć aktyŭniej vykarystoŭvać achoŭnaje pradpisańnie
«Čuvak dzieła skazaŭ». Ludzi masava padtrymali studenta-afrykanca
«Pad zapis na kamieru zadavali pytańni, skanavali telefon, pierapisku». Jak ciapier prachodziać dopyty na miažy Biełarusi
Dziadok patłumačyŭ, čamu vyzvalili mienavita tych palitviaźniaŭ, kaho vyzvalili24
Kamientary