Siońnia viadučyja polskija hazety vyjšli z čornymi plamiami, kab źviarnuć uvahu na zdušeńnie svabody słova ŭ Biełarusi.
23 listapada polskija žurnalisty praviali akcyju «Svaboda słova ŭ Biełarusi», jakuju padrychtavała arhanizacyja «Mižnarodnaja amnistyja». U akcyi ŭziali ŭdzieł viadomyja polskija vydańni «Žečpaspolita», «Hazeta vyborča», radyjo RMF, partały «Gazeta.pl» i «Onet.pl».
«Amnistyja» raźviesiła pa polskich haradach 30 tysiač plakataŭ hramadzkich dziejačaŭ, pradprymalnikaŭ i žurnalistaŭ, jakija paciarpieli ŭ Biełarusi, — Alaksandram Vasiljevym, Mikołam Markievičam, Anžalikaju Borys, Andžejem Pisalnikam i Andrejem Pačobutam. Plakaty prymacoŭvalisia da dreŭ i słupoŭ šeraj stužkaju, jakaja zaklejvała rot hetym ludziam.
«Hazeta vyborča» vypuściła makiet pieršaj staronki numaru za vieradu, byccam jon vyčytany biełaruskaj cenzuraju. Da hazety była dałučana paštoŭka na imia Łukašenki z adrasam biełaruskaha pasolstva ŭ Polščy. Luby čytač moža dasłać jaje biełaruskamu prezydentu, pratestujučy suprać represij u dačynieńni da biełaruskich ŚMI. Razdrukavać paštoŭku možna z sajtu www.am-nesty.org.pl.
U Polščy apošnim časam pišuć pra Biełaruś amal štodzionna. U znak salidarnaści palaki niaspynna prymajuć biełaruskich rokieraŭ z kancertami, piśmieńnikaŭ — z vystupami, artystaŭ — z vystavami. Studenty, vyklučanyja z VNU Biełarusi, majuć mahčymaść vučycca ŭ Polščy.
Asudzili mazyrskaha błohiera Union Bell. Chłopiec niekalki hadoŭ chavaŭsia, ale paśla aryštu baćki byŭ vymušany źviarnucca ŭ balnicu8
Asudzili mazyrskaha błohiera Union Bell. Chłopiec niekalki hadoŭ chavaŭsia, ale paśla aryštu baćki byŭ vymušany źviarnucca ŭ balnicu
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie8888
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie88
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały99
Kamientary