Jak paviedamiŭ lidar navapołackaha niezarehistravanaha «Sajuza maładych intelektuałaŭ» Jaŭhien Kanstancinaŭ, ad jaho namieśnika i siabra Andreja Hajdukova, jaki padazrajecca ŭ špijanažy, pryjšoŭ list.
— Andrej, dasłaŭ list svajoj dziaŭčynie Śviatłanie, — raskazaŭ surazmoŭca. — List pryjšoŭ u piatnicu, 30 listapada. Adpraŭleny jon byŭ, miarkujučy pa niekatorych namiokach u tekście, jašče da 17 listapada.
Heta pieršy list novapałačanina ź izalatara.
— Andrej piša, što: «…vypadkova apynuŭsia ŭ chvali padziej, jakija, imavierna, zakranajuć šyrokija intaresy krainy, hramadstva, palityki… — cytuje słovy siabra Jaŭhien Kanstancinaŭ. — U mianie ŭsio narmalna. Tearetyčna mianie ŭžo možna adpuskać pad padpisku da suda i pa toj ža teoryi možna trymać u SIZA da Novaha hoda».
U pasłańni Andrej prosić nie spyniać sproby zarehistravać «Sajuz maładych intelektuałaŭ».
— Piša, što ŭ jaho źjaviłasia šmat novych idej. Chvalujecca, što moža nie paśpieć vyjści na volu da pačatku siesii, bo nie choča prablem z navučańniem, — adznačyŭ surazmoŭca. — Taksama piša, što atrymaŭ čakanuju pasyłku ad maci. Prosić patelefanavać joj i paviedamić, što ź im usio ŭ paradku.
Akramia taho, u liście małady čałaviek piša pra pryčyny svajho zatrymańnia.
— Dva abzaca byli zamazanyja cenzuraj, — padsumoŭvaje Jaŭhien Kanstancinaŭ. — Nakolki možna zrazumieć, mienavita tam apisana, praz što Andrej apynuŭsia ŭ niavoli. My krychu razabrali tekst u druhim abzacy. Tam napisana: «Za heta ja i byŭ zatrymany». Havorka tam idzie, nakolki možna razabrać słovy ŭ pieršaj zaretušavanaj častcy, ab rehistracyi našaj arhanizacyi.
Nahadajem, što ŭ paniadziełak z Andrejem Hajdukovym, jakoha na minułym tydni pieraviali sa staličnaha KDB u SIZA № 2 Viciebska, pavinnyja sustrecca maci i advakat.
Ciapier čytajuć
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?19
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci33
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci3
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3333
Kamientary