Chabaradaŭca Vasiljeva: Ja pieradaŭ chabar namieśniku mera pad kantrolem KDB
Hrošy chabaru mahli pajści na padtrymku Alimpijskaj zbornaj Biełarusi.
Praciahvajecca sud nad eks-namieśnikam mera Minska Iharam Vasiljevym. 28 śniežnia na pracesie źjaviŭsia Vasil Anańjeŭ, jaki i prynios u kabiniet vysokaha čynoŭnika parfiel z $250 tysiačami. Da hetaha było niajasna, dzie jon znachodzicca.
Anańjeŭ ciapier źjaŭlajecca abvinavačanym pa inšaj kryminalnaj spravie. Jon padazrajecca ŭ padbuchtorvańni da złačynstva i ŭ dačy chabaru.
Sudździa ŭdakładniła, što jon schilaŭ minčanku da pieradačy $50 tysiač nievyśvietlenamu supracoŭniku KDB nibyta za toje, kab nie pryciahnuli da adkaznaści jaje syna. Sam Anańjeŭ patłumačyŭ pa-inšamu: dapamahaŭ žančynie viarnuć hrošy, jakija ŭ jaje pazyčyli.
U sud Vasil Anańjeŭ pryjechaŭ u supravadžeńni dvuch čałaviek u cyvilnym. Imavierna, ale pra heta tak i nie havaryłasia, jon znachodzicca pad chatnim aršytam. Zhodna z pakazańniami Anańjeva, Ihar Vasiljeŭ ad pačatku pracy z češskimi inviestarami patrabavaŭ chabar u $500 tysiač.
«Ciaham paŭtara hoda jon nastojliva patrabavaŭ hrošy, abiacajučy biznesoŭcam prablemy».
A ŭsio pačynałasia ŭ kancy 2010-ha. Siarhiej Tatun, pradstaŭnik češskich inviestaraŭ, źjaŭlajecca daŭnim znajomcam Anańjeva. Pry sustrečy ŭ Minsku Tatun raskazaŭ pra namier pabudavać u horadzie zavod pa pierapracoŭcy śmiećcia. Paskardziŭsia i na prablemy. Anańjeŭ raskazaŭ pra heta svajmu znajomamu Śmiataninu. A toj paviedamiŭ, što siabruje z «čałaviekam z meryi», jaki moža ŭsie pytańni vyrašyć. A praź dzień ahučyŭ sumu za pasłuhi znajomaha — $500 tysiač.
Čechi pahadzilisia, chacia i «byli prosta ŭ šoku». A Tatun, jaki, pa słovach Anańjeva, źjaŭlajecca sponsaram Nacyjanalnaha alimpijskaha kamiteta Biełarusi, zajaviŭ, što lepš by hetyja hrošy addaŭ u dziciačyja damy ci Alimpijskaj zbornaj Biełarusi.
Na sustrečy ŭ Minskim harvykankamie Vasiljeŭ zahavaryŭ pra chabar.
«Ja chaču atrymać svaje hrošy i atrymać da padpisańnia damovy, — tak pieradaje słovy čynoŭnika Anańjeŭ. — Kali vy mnie nie zapłacicie, nijakaj inviestycyjnaj damovy ŭ vas ni ŭ Minsku, nidzie ŭ Biełarusi nie budzie. Vy viedajecie, jakuju pasadu ja zajmaju».
Anańjeŭ kaža, što Vasiljeŭ pastajanna kazaŭ pra hrošy. I nie bajaŭsia navat ahučvać svaje patrabavańni ŭ kabiniecie.
Da siońnia było niajasna, jak KDB daviedasia pra chabar. Akazałasia, što
Vasil Anańjeŭ napisaŭ zajavu na imia kiraŭnika KDB Vadzima Zajcava, u jakoj raskazaŭ pra vymahańnie chabaru.
Admietna, što heta adbyłosia praz try dni paśla źmiaščeńnia samaho Anańjeva ŭ SIZA. Pa jaho słovach, napisać takuju zajavu jaho prymusiła pačućcio niespraviadlivaści. Maŭlaŭ, jaho, sumlennaha čałavieka, aryštavali ni za što, a vysoki čynoŭnik choča atrymać hrošy i ničoha za heta jamu nie budzie. Anańjeŭ admaŭlaje cisk z boku śpiecsłužby.
Usie nastupnyja sustrečy jaho z Vasiljevym adbyvalisia pad kantrolem KDB: z prasłuchoŭvańniem i schavanymi kamierami.
Kali 6 lipienia Anańjeŭ pryjšoŭ da čynoŭnika, toj pačaŭ havaryć, što baicca, što za im sočać i prasłuchoŭvajuć. U kabiniecie navat uklučyŭ prystasavańnie, jakoje Anańjeŭ ličyć «hłušyłkaj» ad «žučkoŭ». Ale sam adčyniŭ šafu i skazaŭ, kuda pakłaści partfiel z hrašyma.
Cikava jašče, što češskija biznesoŭcy nie viedali (i ci viedajuć siońnia?), što Anańjeŭ źviarnuŭsia ŭ KDB. Nieviadoma, čyje heta 250 tysiač dalaraŭ, što prynieśli ŭ kabiniet Vasiljeva.
Hladzicie taksama:
Sud na Vasiljevym: supracoŭniki KDB i čornyja sumki
Ciapier čytajuć
Tolki žminda i lanivy nie padtrymlivaje «Nivy»! Vy možacie za chvilinu padtrymać «NN» padachodnym, nie patraciŭšy ni kapiejki svaich5
Kamientary