Pra heta paviedamiła jahonaja maci Rušanija Vaśkovič.
U aŭtorak jana naviedała syna ŭ Mahiloŭskaj turmie. Spatkańnie doŭžyłasia ŭsiaho dźvie hadziny. Minuły raz baćki bačyli Jaŭhiena Vaśkoviča hod tamu, paviedamlaje «Radyjo Racyja».
Sa słovaŭ Rušanii Vaśkovič, jaje syn adčuvaje siabie narmalna, na zdaroŭje nie skardzicca, udziačny ŭsim za navahodnija vinšavańni i listy padtrymki.
«Sustreča adbyłasia. Choć raz na hod jaho ŭbačyš. Listy — listami, zvanki — zvankami, ale kali navat praz škło — pryjemniej, čym prosta pahavaryć praz telefon. Skazaŭ, što ŭ jaho ŭsio narmalna. Viadoma, śviežaha pavietra mała, usiaho hadzina ŭ dzień advodzicca na špacyr. A tak — trymajecca. Hałoŭnaje, kab nie było horš», — skazała jana.
Jaŭhien Vaśkovič byŭ asudžany razam z Arciomam Prakapienkam i Paŭłam Syramałotavym. Jaho asudzili na 7 hadoŭ źniavoleńnia za sprobu padpału dźviarej babrujskaha adździaleńnia KDB. U vieraśni minułaha hoda Pavieł Syramałotaŭ vyjšaŭ na volu paśla taho, jak napisaŭ prašeńnie ab pamiłavańni na imia Łukašenki. Jaŭhien Vaśkovič i Arciom Prakapienka admaŭlajucca pisać takoje prašeńnie.
Tolki žminda i lanivy nie padtrymlivaje «Nivy»! Vy možacie za chvilinu padtrymać «NN» padachodnym, nie patraciŭšy ni kapiejki svaich5
Kamientary