Rasijskaja milicyja praduchiliła «karanavańnie» troch biełaruskich złačyncaŭ

Bujnaja śpiecapieracyja pad Maskvoju: milicyja pry padtrymańni SOBRu zatrymała źjezd kryminalnych aŭtarytetaŭ. Siarod ich byli i biełaruskija złačyncy sa stažam. Troje biełarusaŭ pajechali jakraz kab atrymać status hetak zvanych «varoŭ u zakonie».

Biełaruskich i rasiejskich varoŭ u zakonie dy ichnych pamahatych uziali ŭ restaranie «Siamiejny elit-kłub» u pasiołku Nikolina Hara pad Maskvoju, niepadalok ad trasy Bieraście-Maskva. Usiaho 23 čałavieki.

VIKTAR FIEDAROVIČ, ŽURNALIST:

«Jon u svoj čas žyŭ u ZŠA, tam ledź nie trapiŭ u surjoznuju biadu za admyvańnie hrošaj.

Jaho navat nazyvali pravaj rukoj viadomaha, ciapier pakojnaha, aŭtaryteta — Japončyka».

Pavodle apieratyŭnaj infarmacyi, złačyncy źjechalisia nie na śviatočny tort, a kab karanavać novych varoŭ — troch čałaviek ź Biełarusi.

Pradstaŭniki tak zvanaha kłana Taro płanavali vypracavać płan dalejšych dziejańniaŭ paśla zabojstva ŭ Maskvie lidera varožaj hrupoŭki Dzieda Chasana — vara ŭ zakonie Asłana Usajana.

Dzied Chasan — nie adziny hruzinski «vor u zakonie», što žyŭ i «pracavaŭ» u Rasiei. Aŭtarytety paŭciakali tudy, kali prezident Hruzii ŭvioŭ kryminalnuju adkaznaść prosta za status «vora». Pryznaŭ siabie «voram» — sieŭ. Nie pryznaŭ — zhubiŭ aŭtarytet. A voś Alaksandr Łukašenka pajšoŭ svaim šlacham, mienš publičnym.

Jašče ŭ 2001-m hodzie, kali ŭsie abmiarkoŭvali źniknieńnie apazicyjnych palitykaŭ, Łukašenka skazaŭ, što trymaje ŭ kułaku ŭsich biełaruskich kryminalnych lidaraŭ, a niazhodnyja prosta źnikli. Dy pryvioŭ u prykład vara Uładzimira Klašča pa mianušcy Ščaŭlik, čyj los ciapier nieviadomy.

ANDREJ KLIMAŬ, BYŁY PALITVIAZIEŃ:

«Vor musić siadzieć u turmie, kažučy słovami Hleba Žyhłova. Nie prosta złačynca, a kryminalny aŭtarytet. A kali jon padčas aryštu niejkim čynam jašče i budzie pazbaŭleny žyćcia — zadača vyrašanaja».

Adnak kolkaść varoŭ u zakonie ź Biełarusi tolki raście. Što praŭda,

aŭtarytety karanujuć nie tolki pryznanych kryminalnikaŭ, a navat ni razu nie sudzimych, ale ŭpłyvovych złačyncaŭ biełaruskaha pachodžańnia.

VIKTAR FIEDAROVIČ, ŽURNALIST:

«Možna navieści paradak na asobna ŭziataj terytoryi, ale čym bolš Biełaruś i Rasieja buduć intehravacca — ekanomikami ci palitykami — tym bolš budzie narastać napružanaść z boku prafiesijnaha kryminału».

Chacia biełaruskimi tych aŭtarytetaŭ možna nazvać tolki ŭmoŭna.

Dla varoŭ u zakonie miažy z Rasiejaj niama, i kryminalnyja spravy jany viaduć u svajoj sajuznaj varaŭskoj dziaržavie.

• 0
• 0
• 0
• 0
• 0
• 0
• 0
• 0