Častku trupaŭ navat nie zakopvali. Adkrylisia vuścišnyja padrabiaznaści pra padziež žyvioły ŭ Kleckim rajonie
U haspadarkach Kleckaha rajona znajšli surjoznyja parušeńni vieterynarna-sanitarnych normaŭ, źviazanyja z utylizacyjaj trupaŭ zahinułych žyvioł. Pra heta paviedamiła miascovaja prakuratura.
Prakurorskija pravierki pakazali, što ŭ šerahu sielskahaspadarčych arhanizacyj nie vykonvalisia praviły pachavańnia i źniščeńnia trupaŭ žyvioł i praduktaŭ žyviolnaha pachodžańnia.
U adnym z vypadkaŭ miortvuju žyviołu i jaje pareštki chavali nie na śpiecyjalna pryznačanym skotamahilniku, a na prylehłaj terytoryi, jakaja nie była aharodžanaja. Z-za hetaha dostup da tuš, jakija raskładalisia, mahli mieć jak staronnija ludzi, tak i badziažnyja dy dzikija žyvioły.
Častku trupaŭ naohuł nie zakopvali: jany zachoŭvalisia ŭ pryčepie i prosta na terytoryi małočna-tavarnaha kompleksu. Pavodle prakuratury, zahinułyja žyvioły svoječasova nie vyvozilisia ź fiermaŭ, a nieabchodnyja ŭmovy dla ich zboru i ŭtylizacyi nie byli stvoranyja.
Taksama vyjavili fakty ŭniasieńnia niedakładnych źviestak u dakumientacyju — u žurnały rehistracyi prypłodu i aciołaŭ unosilisia falšyvyja daty, u tym liku adnosna miortvanarodžanych cialat.
U inšaj haspadarcy skotamahilnik nie byŭ naležnym čynam abstalavany: adsutničali aharodža, nakryŭka z zamkami i navies. Reštki tuš składvalisia ŭ jamie i častkova zasypalisia śnieham.
Prakuratura padkreśliła, što takija parušeńni stvarajuć pahrozu raspaŭsiudžvańnia infiekcyjnych zachvorvańniaŭ siarod žyvioł, asabliva z ulikam dostupu dzikich źviaroŭ i ptušak da pareštkaŭ.
Kiraŭniku rajvykankama vystavili patrabavańni likvidavać vyjaŭlenyja parušeńni, pryvieści skotamahilniki i prylehłyja terytoryi ŭ adpaviednaść ź vieterynarna-sanitarnymi normami, arhanizavać naležnyja ŭmovy dla zboru i ŭtylizacyi trupaŭ žyvioł, pravieści pravierku pa faktach skažeńnia dakumientacyi i razhledzieć pytańnie ab pryciahnieńni vinavatych da adkaznaści.
«Pa kalena ŭ hnoi i zarobak 200 rubloŭ». Žyviołavod z-pad Salihorska pakazaŭ svaju fiermu va ŭsioj krasie
Karanik prapanavaŭ pravodzić suprać padziažu žyvioły «palityku NEP»
Dyrektarka etałonnaha kałhasa ŭ Dobrušy 12 hadoŭ chavała padziež i źbivała padnačalenych. Adnaho sprabavała nakarmić siłasam
Łukašenka pryhraziŭ pazdymać hałovy za padziež žyvioły
Stała viadoma, kolki ludziej u Biełarusi pakarali za padziež žyvioły
Łukašenka zajaviŭ, što padziež žyvioły ŭ Biełarusi dasiahnuŭ «histaryčnaha maksimumu»
Kamientary