Supracoŭniki mytni «Zachodni Buh» zatrymali bujnuju partyju valuty, mabilnych telefonaŭ i ličbavych fotaaparataŭ ahulnym koštam prykładna 1 miljard rubloŭ.
Jak paviedamili «Źviaździe» ŭ pres‑słužbie Dziaržaŭnaha mytnaha kamiteta, u punkcie propusku «Varšaŭski most» uvahu biełaruskich mytnikaŭ pryciahnuŭ mikraaŭtobus «Miersiedes Spryntar». U mytnaj dekłaracyi, jakuju pradjavili pry ŭjeździe z terytoryi Polščy ŭ Biełaruś vadziciel transpartnaha srodku, žychar Žłobina, i dvoje pasažyrak, byli paznačany tolki nabory posudu, pakunak pralnaha parašku i čatyry aŭtamabilnyja koły. Mytnikaŭ takaja scipłaść naściarožyła i jany vyrašyli bolš detalova pravieryć mikraaŭtobus. Padčas «pahłyblenaha ahladu» pad abšyŭkaj padłohi transpartnaha srodku było vyjaŭlena 265 tysiač dołaraŭ, 467 mabilnikaŭ, 16 ličbavych fotaaparataŭ i roznych aksiesuaraŭ da bytavoj techniki. Hrošy i tavary kanfiskavanyja. Bolš za toje, pa faktu kantrabandy ŭzbudžana kryminalnaja sprava. Vadziciel mikraaŭtobusa źmieščany ŭ śledčy izalatar.
«Źviazda»
Ciapier čytajuć
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1212
Kamientary