KDB znajšoŭ pieršyja fakty karupcyi ŭ spartyŭnych funkcyjanieraŭ, jakich asabista patrabavaŭ pravieryć Łukašenka.
Pieršym pa etapie, vidavočna, pojdzie kiraŭnik Respublikanskaha centra alimpijskaj padrychtoŭki konnaha sportu i koniehadoŭli.
Aficyjnaj infarmacyi pa karupcyjnym skandału ŭ Ratamcy pakul niama. Ale viadoma, što Śledčy kamitet užo raspačaŭ pa materyjałach KDB pieršuju kryminalnuju spravu, pryčym adrazu ŭ dačynieńni da hienieralnaha dyrektara ŭstanovy «Respublikanski centr alimpijskaj padrychtoŭki konnaha sportu i koniehadoŭli» Viktara Michadziuka. Taho samaha Michadziuka, jakoha ŭ kastryčniku 2012 zahadaŭ staranna pravieryć Łukašenka.
Viktar Michadziuk — čałaviek nie publičny i nie lubić asabliva śviacicca. U svoj čas jon zajmaŭ pasadu namieśnika staršyni kancerna «Biełdziaržcharčpram», adkul syšoŭ pa ŭłasnym žadańni. Potym Michadziuk zaniaŭ kresła hienieralnaha dyrektara RCAP konnaha sportu i koniehadoŭli.
Jon staŭ šyroka viadomy ŭ kastryčniku 2012 hoda, kali na schodzie NAK Łukašenka zdymaŭ hałovy spartyŭnych čynoŭnikaŭ za pravał na Alimpijadzie ŭ Łondanie.Paśla hetaha alimpijskaha schodu mnohija palacieli sa svaich skuranych kresłaŭ, a voś Viktar Michadziuk trapiŭ u samaje piekła prezidenckaha hnievu.
Jak paviedamiŭ u kastryčniku «Presboł», prykładna praz hadzinu paśla pačatku schodu dali słova hałoŭnamu końniki krainy, i Łukašenka nie stryvaŭ i pradstaviŭ jaho asabista:
«Ciapier vam raskaža Michadziuk, jak treba bazu alimpijskaj padrychtoŭki stvarać i adnačasova pałacy budavać. Davajcie, kali łaska. A to ministr pramaŭčaŭ, pamočnik taksama. Moža, vy raskažacie, jak piłavać, vazić, budavać, jak koniej za biascenak pradavali, nahadajecie ci to Zaičkavu, ci to jašče kamuści. Raskazvajcie. Hučna, vyrazna».
Viktar Michadziuk sprabavaŭ apraŭdacca słovami «my za čas pracy nikomu nivodnaha kania nie pradali i nie pradajem», ale lepš by pramaŭčaŭ. Kali Michadziuk dajšoŭ u svaim dakładzie da słovaŭ, što «treba padtrymać koniehadoŭlu», prezident znoŭ nie stryvaŭ:
«Dyk u vas ža siabruk ź Ministerstva sielskaj haspadarki, jakomu vy asabniak budujecie za aknom. I ŭ vas kiraŭnik fiederacyi — Michaił Ivanavič (Rusy. — red.)».
I tut aleju ŭ ahoń padliŭ sam
«Jon ža skazaŭ, što nie było!» — razzłavaŭsia prezident.
Rusy pasprabavaŭ apraŭdacca słovami «nie ŭ jaho», ale nie atrymałasia.
«A mnie kažuć, što ŭ jaho. Pierapravieryli. Pakarajem infarmataraŭ, kali jany prezidenta dezinfarmujuć, — nastojvaŭ na svaim Łukašenka i tut ža spytaŭ u Rusaha: — Heta vy jamu davali kamandu asabniaki budavać dla słužbovych asobaŭ?»
«A kali znojdziem, što nie tak?» — spytaŭ prezident.
Dyrektar RCAP trymaŭsia ćviorda: «Adkazvaju!»
Łukašenka tut ža daŭ kamandu staršyni Kamiteta dziaržaŭnaha kantrolu ŭsio pravieryć: «Padklučyciesia! Znojdziecie choć adzin ćvik, a tam nie tolki ćviki — adrazu ŭ śledčy izalatar!
Michadziuk nie zdavaŭsia: «U nas ludzi źviartalisia…»
«Voś i pakažacie, jakija ludzi i dzie. Kali mianie dezinfarmavali, ja pierad vami publična paprašu prabačeńnia.
Ale kali niešta paćvierdzicca, vy adrazu naručniki kuplajcie, kab vam nie čaplali ich, biarycie i idzicie tudy, kudy ja skazaŭ. Ja vam hetaha nie daruju.My nie takija bahatyja, kab absłuhoŭvać tut asobnych kitoŭ, jakija jašče i łajdačać. I majcie na ŭvazie: prezidenta niebiaśpiečna padmanvać», — pryhraziŭ Łukašenka.
Kastryčnicki hnieŭ prezidenta z nahody spravaŭ u RCAP konnaha sportu i koniehadoŭli paŭstaŭ nie vypadkova. Spartyŭnyja čynoŭniki zahadzia rychtavalisia da nahaniaju ad Łukašenki i navat padšukvali sabie pierajemnikaŭ na vypadak straty ciopłaha miesca.
«Vy jašče intryhi pleciacie. Kačan kaža: „Mianie zdymuć, dyk davajcie Michadziuka pastavim“. Tamu što heta svoj budzie čałaviek. Kambinacyja narmalnaja — možna dalej budavać asabniaki. Hladzicie, kab u turmu nie zahrymieli z takich pasad!» — aburaŭsia Łukašenka.
Praviarali Respublikanski centr alimpijskaj padrychtoŭki konnaha sportu i koniehadoŭli niekalki miesiacaŭ. Pryčym hałoŭnuju skrypku ŭ hetaj spravie čamuści hraŭ nie Kamitet dziaržkantrolu, jak zahadaŭ kiraŭnik dziaržavy, a KDB.
I ŭrešcie kampramat na Michadziuka znajšli.
Viktaru Michadziuku inkryminujecca ździajśnieńnie złačynstva pa č.2 art.424 KK Biełarusi (złoŭžyvańnie ŭładaj abo słužbovymi paŭnamoctvami). Spravu ŭ svaju vytvorčaść, uličvajučy jaje važnaść i asabistuju zacikaŭlenaść prezidenta, uziaŭ centralny aparat Śledčaha kamiteta.
Pavodle papiarednich dadzienych, padazravany ź vieraśnia 2011 pa kastryčnik 2012 hoda, złoŭžyvajučy słužbovymi paŭnamoctvami, prynios škodu ustanovie «Respublikanski centr alimpijskaj padrychtoŭki konnaha sportu i koniehadoŭli» ŭ pamiery bolš za 39 młn rubloŭ.
Suma zusim nie taja, kab vyklikać abureńnie kiraŭnika dziaržavy, tamu možna vykazać zdahadku, što heta tolki pačatak.I kali KDB pojdzie dalej, to ŭ raspracoŭku moža trapić nie tolki Michadziuk, ale i jaho abaroncy i łabisty.
Darečy, ciapier abaviazki hienieralnaha dyrektara ŭstanovy «Respublikanski centr alimpijskaj padrychtoŭki konnaha sportu i koniehadoŭli» vykonvaje Siarhiej Novikaŭ. Pra los samoha Michadziuka pakul ničoha nie viadoma.
Ciapier čytajuć
Redaktara niezaležnaj baranavickaj haziety «Inteks-Pres» Janukieviča prysudzili da 14 hadoŭ kałonii, jaho namieśnika Pakalenku — da 12 hadoŭ4
Kamientary