Dvoje 40-hadovych i ciozka maładafrontaŭca: Łukašenka pryznačyŭ rektaraŭ troch univiersitetaŭ

Aŭtar padručnika «Palitałohija»

Novy rektar Univiersiteta kultury Juryj Bondar — čałaviek dastatkova małady, jamu 40 hadoŭ. Da hetaha jon byŭ pieršym prarektaram. Miesca ŭ BUKu vyzvaliłasia paśla taho, jak były rektar Barys Śviatłoŭ zaniaŭ pasadu ministra kultury.

Bondar — kandydat palityčnych navuk. Razam sa svaim baćkam — Paŭłam Bondaram — vypuścili ŭ «Biełaruskaj encykłapiedyi» padručnik «Palitałohija. Navuka ab palitycy» na rasiejskaj movie. Zamović knihu nie składaje nijakaj ciažkaści.

Bolšaść publikacyj spadara Bondara — na ruskaj movie. Miž tym univiersitet adzin ź niešmatlikich u Biełarusi, dzie zastajecca tradycyja vykładańnia pa-biełarusku, dziakujučy niabožčycy-rektarcy Jadvizie Hryharovič.

«My ŭśviedamlajem, što pryjarytetnaj zadačaj dla Univiersiteta kultury siońnia źjaŭlajecca zabieśpiačeńnie kadrami rehijonaŭ. Bo mienavita tam ich najbolš brakuje. Pakul što my zdatnyja zabiaśpiečyć chiba pałovu zajavak, jakija adtul pastupajuć. Ale… Tut uźnikaje pytańnie: ci vierniecca metavik pracavać na małuju radzimu? Abo jon skarystajecca z usialakich prefierencyj, a potym zrobić ručkaj na raźvitańnie?», — kazaŭ u adnym ź intervju Juryj Bondar.

Davodziłasia Bondaru apraŭdvacca, kali zahadčykam kafiedry estradnaha majsterstva ŭ BUKu stała śpiavačka Iryna Darafiejeva, a taksama kali zvalniali vykładčycu Nadzieju Łaŭruchinu, za jakuju ŭstupilisia studenty.

Abaraniaŭsia ŭ Maskvie

Andrej Karol imkliva ŭźlacieŭ pa karjernaj leśvicy. Pierad pryznačeńniem na pasadu rektara Hrodzienskaha ŭniviersiteta imia Janki Kupały jon byŭ usiaho tolki zahadčykam kafiedry piedahohiki.

Karol — taksama małady rektar. Varta skazać, što ŭniviersitet jon skončyŭ u 1995 (fizika-techničny fakultet). Potym try hady adpracavaŭ u hrodzienskaj škole nastaŭnikam.

Kandydackuju fizik Karol abaraniŭ pa temie: «Mietad eŭrystyčnaha dyjałohu jak srodak aktyvizacyi vučebna-paznavalnaj dziejnaści navučencaŭ». Abarona prajšła ŭ Maskvie, u Rasijskaj akademii adukacyi.

Navukovaja stupień doktara piedahahičnych navuk prysudžałasia VAKam Rasijskaj Fiederacyi.

Stypiendyjat prezidenta dla talenavitych maładych navukoŭcaŭ za 2012 hod. Uznaharodžany hramatami Rasijskaj akademii adukacyi za ŭkład u realizacyju tvorčaha patencyjału navučencaŭ i piedahohaŭ (2009, 2010).

Śpiecyjalist pa sielhastechnicy

Źmienieny rektar i ŭ Ahrarnym techničnym univiersitecie. Uznačaliŭ jaho Ivan Šyła (ciozka viadomaha maładafrontaŭca). Šyła — piensijanier, jamu 62 hady. Rodam ź vioski Jamnaje Stolinskaha rajona.

Skončyŭ matematyčny fakultet BDU. Pracavaŭ u instytucie sielskaj haspadarki.

Adzin hod byŭ namieśnikam prezidenta (tady pasada nazyvałasia tak) Akademii navuk. Papracavaŭ razam ź siońniašnim premjeram Miaśnikovičam.

Doktarskuju Šyła abaraniŭ na temu: «Ekspłuatacyja, adnaŭleńnie i ramont sielskahaspadarčaj techniki». U 2004 staŭ prafiesaram. U BDATU pracuje ad 2002 hoda.

* * *

Alaksandr Łukašenka patrabuje ad univiersitetaŭ skaračeńnia vydatkaŭ i łajalnaści.

Źviartajučysia da kiraŭnikoŭ ustanovaŭ adukacyi, Alaksandr Łukašenka adznačyŭ, što «kryčačych prablem u VNU niama, ale zvyčajnych — bolš čym dastatkova».

«Nam treba dašlifavać usio toje, što my kaliści pačali rabić, až da arhanizacyjnych momantaŭ. Ja maju na ŭvazie skaračeńnie terminaŭ navučańnia,

«Ja dumaŭ, što tut budzie nie farmalnaje prasoŭvańnie, a razumnaje, i nie ź niejkich viedamasnych padychodaŭ, što tam hadzin nie chopić kamuści. Treba žyć dziaržaŭnymi intaresami», — dadaŭ Łukašenka.

«My vielmi dobra viedajem, što tam lišniaje, što treba pakinuć, a što dadać. Ale skaračacca treba. I ŭ hetym kirunku praces pajšoŭ», — kanstatavaŭ jon.

U toj ža čas Alaksandr Łukašenka padkreśliŭ, što surjoznuju ŭvahu nieabchodna źviarnuć i na jakaść navučańnia. Pavodle jaho słoŭ, u navučalnych ustanovach ŭsio jašče nazirajucca fakty raschlabanaści, biezadkaznaści, farmalnaha padychodu da spravy.

Łukašenka taksama akcentavaŭ uvahu na svaim patrabavańni aryjentavać navučańnie studentaŭ na praktyku.

«Samaje hałoŭnaje — heta praktyka. Pałovu času, asabliva studenty sielhasVNU, inšych prykładnych śpiecyjalnaściaŭ, pavinny być na miescach. Da prykładu, piedahohi pavinny pastajanna być u škole,

Alaksandr Łukašenka zapatrabavaŭ ad rektaraŭ być aktyŭnymi ŭdzielnikami madernizacyi navučalnaha pracesu:

«Šmat u nas prablem u VNU, i kankretnych prablem. Ale ja chaču, kab vy ŭličyli, što łomki i hłybokaha refarmavańnia sistemy adukacyi my bolš nie dapuścim. I voś hetyja ŭsploski, jakija nam časam padkidvajuć, naprykład, prablemy z movami ci jašče jakijaści — heta nie bolš čym bałbatnia. My ŭsie hetyja pytańni daŭno vyrašyli.

Nahadajem, što ŭ Biełarusi tolki 0,5% studentaŭ navučajecca pa-biełarusku, choć na pierapisie 2009 hoda bolš za pałovu ludziej nazvali biełaruskuju rodnaj movaj, a 23% — movaj, na jakoj jany razmaŭlajuć doma.

• 0
• 0
• 0
• 0
• 0
• 0
• 0
• 0