Jaho ŭznačaliŭ vice-premjer Kalinin.
U suviazi sa śniehapadam i mocnym vietram, jakija prynios cykłon, va ŭradzie stvorany apieratyŭny štab pa reahavańni na niepahadź pad kiraŭnictvam namieśnika prem'
«Situacyja znachodzicca pad pastajannym kantrolem», — havorycca ŭ paviedamleńni
Kamisija pa nadzvyčajnych situacyjach pry Saviecie ministraŭ «nastojliva rekamienduje nasielnictvu ŭ suviazi ź vielmi niespryjalnymi ŭmovami nadvorja vyklučyć vykarystańnie asabistaha aŭtatransparta, admovicca ad pieramiaščeńnia na vialikija adlehłaści». Dzieciam i ludziam stałaha vieku «rekamiendujecca biez patreby nie vychodzić na vulicu».
Kab paźbiehnuć zatoraŭ, ujezd na bujnyja darožnyja mahistrali ź intensiŭnym rucham budzie abmiežavany. Adpaviednyja daručeńni dadzieny słužbam DAI. Na najbolš zahružanych učastkach respublikanskich aŭtadaroh płyni aŭtamabilaŭ, asabliva vialikahruznych, buduć spyniać pablizu nasielenych punktaŭ, AZS i inšych miescach, dzie možna pieračakać niepahadź.
«U režymie pastajannaha dziažurstva pracujuć urad, miascovyja orhany ŭłady, usie darožnyja i kamunalnyja słužby, padraździaleńnia MNS, DAI, Minabarony, Ministerstva achovy zdaroŭja i inšyja, — adznačajecca ŭ paviedamleńni. — Apieratyŭnyja zvodki ab nadvorji, situacyi na darohach, aeraportach, žaleznaj darozie, nasielenych punktach kožnyja paŭhadziny pastupajuć va ŭrad. Maksimalna zadziejničany siły i srodki dla rasčystki daroh i zabieśpiačeńnia funkcyjanavańnia inžyniernych i transpartnych infrastruktur».
Ciapier mocny śniehapad praciahvajecca. Apadki supravadžajucca ŭzmacnieńniem vietru da štarmavych značeńniaŭ.Pavodle źviestak Respublikanskaha hidromietiecientra, u Vałožynie paryŭ vietru dasiahnuŭ 24
«Anlifanščyca ź Pinska» kaža, što jana nie anlifanščyca i nie ŭ rabstvie ŭ Mjanmie6
Kamientary