NASA abvierhła paviedamleńni ab tym, što zapuščany 35 hadoŭ nazad kaśmičny zond Voyager staŭ pieršym u historyi rukotvornym abjektam, pakinuŭ miežy Soniečnaj sistemy. Ab hetym paviedamlajecca na sajcie ahienctva.
«Kamandzie Voyager viadoma ab paviedamleńniach ab tym, što siońnia Voyager 1 NASA pakinuŭ Soniečnuju sistemu. Navukovaja kamanda Voyager sychodzicca na dumcy, što Voyager-1 jašče nie pakinuŭ Soniečnaj sistemy i nie dasiahnuŭ mižzorkavaj prastory. U śniežni 2012 hoda navukovaja kamanda Voyager paviedamiła ab tym, što Voyager-1 znachodzicca ŭ novaj vobłaści, jakaja nazyvajecca «mahnitnaj šašoj», dzie rezka źmianiajucca enierhietyčnyja čaścicy. Źmiena ŭ kirunku mahnitnaha pola źjaŭlajecca apošnim važnym pakazčykam dasiahnieńnia mižzorkavaj prastory, i hetaja źmiena kirunku pakul nie nazirajecca», - skazaŭ vučony prajekta Voyager na bazie Kalifarnijskaha technałahičnaha instytuta ŭ Pasadenie Edvard Stoŭn.
Napiaredadni źjavilisia paviedamleńni ab tym, što Voyager-1, zapuščany 5 vieraśnia 1977 hoda, pierasiok miažu hielijaśfiery («burbałki», zapoŭnienaj soniečnym vietram, za miežami jakoha pačynajecca mižzorkavaja prastora) i staŭ, takim čynam, pieršym u historyi rukatvornym abjektam, jaki pakinuŭ Soniečnuju sistemu.
Voyager-1 staŭ pieršym zondam, jakomu ŭdałosia zrabić detalovyja zdymki spadarožnikaŭ Jupitera i Saturna. Na jaho borcie taksama zamacavana załataja płaścina, na jakoj dla mahčymych inšapłanietnikaŭ pakazana miesca znachodžańnia Ziamli, a taksama zapisanyja šerah ziamnych malunkaŭ i hukaŭ.
-
Navukoŭcy dakazali marnaść internet-sprečak: nichto nie mianiaje dumku, a vyniki nie reprezientujuć bolšuju častku hramadstva
-
ŠI biaśsilny pierad mastactvam: vieršavanyja zapyty zmusili jaho raskazać, jak stvarać atamnyja bomby i łamać sajty
-
U Ziamli jość chvost, jaki ciahniecca jak minimum na 2 miljony kiłamietraŭ
Ciapier čytajuć
U Varšavu pryjechała sotnia biełaruskich palitviaźniaŭ14
Kamientary