Vykładčyk Hrodzienskaha dziaržuniviersiteta raskazaŭ «NN» pra svaje pierśpiektyvy.
Doktar histaryčnych navuk Viačasłaŭ Švied faktyčna zvolnieny z Hrodzienskaha dziaržuniviersiteta imia Janki Kupały. Spačatku jaho zvolnili z pasady zahadčyka kafiedry biełaruskaj kultury i rehijanalnaha turyzmu, a 1 krasavika Rada ŭniviersiteta nie abrała jaho na pasadu prafiesara pa konkursie. U adkrytym liście da kalehaŭ pa ŭniviersitecie jon nazvaŭ svajo zvalnieńnie palityčnym rašeńniem.
«U svaim univiersitecie i ŭ Hrodnie ŭvohule ja ničoha nie dabjusia. Jość zahad i jon vykonvajecca vielmi žorstka. Nie voźmuć navat dvornikam», — padzialiŭsia svaimi pierśpiektyvami z karespandentam «NN» prafiesar Švied.
Jon kaža, što zvolnieny de-fakta, kali ž budzie zvolnieny de-jure. pakul nie viedaje. «Pavodle ŭniviersiteckich praviłaŭ vykładčyk, jaki nie prajšoŭ na pasadu prafiesara pa konkursie, aŭtamatyčna zvalniajecca z pracy. Ja viedaju, što budu zvolnieny abaviazkova. heta pytańnie času».
Viačasłaŭ Švied pakul nie maje varyjantaŭ pracaŭładkavańnia. «Mušu ŭsio abdumać, abmierkavać».
* * *
Nahadajem, što ŭvosień byŭ zvolnieny vykładčyk Andrej Čarniakievič, a ŭ niadzielu, 31 sakavika, z adkrytym listom da kiraŭnika Hrodzienskaj vobłaści Siamiona Šapiry vystupiŭ vykładčyk prava Ihar Kuźminič, jaki zajaviŭ, što zvalniajecca ŭ znak pratestu suprać cisku na vykładčykaŭ navučalnaj ustanovy.
Ciapier čytajuć
Babaryka pra siabie ŭ 2020-m: Heta nie naiŭnaść. Nie dumaju, što takoha kryvažernaha scenara niechta čakaŭ3
Kamientary