Fotafakt: Červienski rynak u Minsku zapracavaŭ na novym miescy
Jon raźmiaściŭsia nasuprać Łošyckaha parku.
Červienski rynak u Minsku zapracavaŭ na novym miescy 2 krasavika. Ciapier jon znachodzicca na miescy byłoha razvarotnaha tralejbusnaha kalca na skryžavańni vulicy Majakoŭskaha i zavułka Majakoŭskaha, nasuprać Łošyckaha parku. Uračystaje adkryćcio zapłanavana na 6 krasavika. Mahčyma, da hetaj daty terytoryju rynka daviaduć da ładu, bo pakul tut chapaje prablem: nieprybrany śnieh, toŭsty słoj lodu pry samych uvachodach u handlovyja boksy. Miescami traplaje na vočy nieachajna pakładzienaja plitka.
A pakul patencyjnych pakupnikoŭ vitajuć rekłamnyja baniery na vulicy Majakoŭskaha, jakija strełkami pakazvajuć nakirunak da rynka, i hihanckija płakaty z vyjavami Minska i tekstam pra viekavyja handlovyja tradycyi horada.
Na samym rynku ŭ pieršy dzień pracy niešmatludna. Bolšaść prychodzić siudy niby na ekskursiju. Adčynienych handlovych kropak — adzinki.
«Arendu i padatki my płacim užo z 1 krasavika. Ale mnohija kalehi siadziać pakul na Labiažym. Moža ŭ subotu na adkryćcio budzie pabolš handlaroŭ?» — raskazvaje adna z handlarak. Jana zadavolenaja pierajezdam na novaje miesca. «Na starym Červienskim u asnoŭnym piensijaniery chadzili. A tut pobač novyja damy, šmat moładzi. A maładyja achvotniej kuplajuć, i bolš». Žančynu nie pałochaje adlehłaść da novaha rynka — «transpart chodzić dobra, ad staroha miesca — čatyry prypynki».
Samym papularnym tavaram siońnia, kali mierkavać pa kolkaści adčynienych boksaŭ, byli štučnyja kvietki i nižniaja bializna. U praduktovym paviljonie pakul pustavata. Handlary tolki vykładajuć paŭfabrykaty i śviežaje miasa ŭ ladoŭni.
Maładaja para sychodzić z rynka ŭ lohkim rasčaravańni. Čakali, što siońnia tut budzie kipieć handal. Ale pierśpiektyvami zadavolenyja — z susiedniaj Łošycy im jechać siudy niekalki chvilin.
Daviedka
Červienski rynak u Minsku začyniŭsia 1 lutaha 2013. Na jahonym miescy iranskaja kampanija Didas płanuje zbudavać šmatfunkcyjanalny hramadska-dziełavy i handlova-zabaŭlalny kompleks.
Na starym miescy rynak dziejničaŭ ad pačatku XX st. Nazvu atrymaŭ ad Ihumienskaha traktu, jaki niekali prachodziŭ praz terytoryju sučasnaj vulicy Majakoŭskaha. Pry balšavikach Ihumien pierajmienavali ŭ Červień.
-
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?
-
Ajcišnika ź Minska pasadzili pa čatyroch palityčnych artykułach
-
Sajt Instytuta kantrolu viedaŭ nie vytrymlivaje nahruzki z-za kolkaści achvotnych daviedacca vyniki repietycyjnaha ispytu
Ciapier čytajuć
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?8
Kamientary