Eštan zaklikała Biełaruś nakłaści maratoryj na śmiarotnaje pakarańnie
Viarchoŭny pradstaŭnik Jeŭrasajuza pa źniešniaj palitycy i palitycy biaśpieki Ketryn Eštan zaklikała Biełaruś dałučycca da hłabalnaha maratoryja na śmiarotnuju karu ŭ jakaści pieršaha kroku na šlachu da jaje poŭnaj admieny.Ab hetym havorycca ŭ zajavie, jakuju 8 maja raspaŭsiudziła
«Viarchoŭny pradstaŭnik škaduje ab niadaŭna vyniesienym śmiarotnym pryhavory Mahiloŭskim abłasnym sudom, — havorycca ŭ zajavie. — Jana spadziajecca, što asudžany zmoža ŭ poŭnaj miery skarystacca pravam na abskardžańnie pryhavoru. Uśviedamlajučy ŭsiu ciažkaść złačynstva, za jakoje jon byŭ asudžany, jana nie vieryć, što vyklučnaja miera pakarańnia moža być niejak apraŭdanaja».
«Śmiarotnaja kara — žorstkaje i biesčałaviečaje pakarańnie, jakoje nie źjaŭlajecca strymlivajučym faktaram i ŭjaŭlaje saboj nieprymalnaje admaŭleńnie čałaviečaj hodnaści i niedatykalnaści», — padkreślivajecca ŭ zajavie.Jak padkreśliła Eštan, Jeŭrasajuz vystupaje suprać prymianieńnia śmiarotnaj kary pry lubych abstavinach.
Adzin ź fihurantaŭ spravy — mužčyna 1969 hoda naradžeńnia, uradženiec Žytomirskaj vobłaści Ukrainy, biez peŭnaha miesca žycharstva, druhi — mužčyna 1990 hoda naradžeńnia, žychar Barysava. Abodva raniej nieadnarazova sudzimyja, u tym liku adzin ź ich za ŭčynieńnie zabojstva.Nahadajem, 24 krasavika Mahiloŭski abłsud asudziŭ dvuch hramadzian za žorstkaje zabojstva.
Pieršy z asudžanych, adbyvajučy pakarańnie pa raniej vyniesienym pryhavory ŭ vyhladzie 25 hadoŭ pazbaŭleńnia voli ŭ turmie № 4, utrymlivaŭsia z červienia 2012 hoda ŭ adnoj kamiery z dvuma inšymi asudžanymi.
Pamiž im i adnym z sukamiernikaŭ adbyłasia hulnia ŭ damino z umovaj, što pieramožca pazbaŭlaje žyćcia taho, chto prajhraje. Praciŭnik inicyjatara hulni prajhraŭ. Paśla čaho pieramožca dla vykanańnia ŭmoŭ hulni damoviŭsia ź inšym sukamiernikam ab dacie i časie zabojstva taho, chto prajhraŭ.
Sud pryznaŭ abodvuch vinavatymi va ŭčynieńni złačynstva i ŭ jakaści miery pakarańnia adnamu ź ich pryznačyŭ pa sukupnaści pryhavoraŭ za raniej učynienaje złačynstva vyklučnuju mieru pakarańnia — śmiarotnuju karu, druhomu pa sukupnaści pryhavoraŭ za raniej učynienaje złačynstva — 16 hadoŭ pazbaŭleńnia voli z adbyvańniem pakarańnia ŭ papraŭčaj kałonii va ŭmovach strohaha režymu.
Z asudžeńniem vyniesienaha śmiarotnaha pryhavoru taksama vystupili dakładčyki Parłamienckaj asamblei Savieta Jeŭropy (PASIE) pa admienie śmiarotnaj kary Maryna Šuster i pa situacyi ŭ Biełarusi Andres Chierkiel.
Biełaruś — adzinaja jeŭrapiejskaja kraina, jakaja nie ŭvachodzić u Radu Jeŭropy.
Asnoŭnaj pieraškodaj dla hetaha źjaŭlajecca najaŭnaść u krainie śmiarotnaj kary. U 1993 hodzie biełaruski parłamient atrymaŭ status śpiecyjalnaha zaprošanaha ŭ PASIE, ale ŭžo ŭ
Ciapier čytajuć
Babaryka try chviliny adkazvaŭ na pytańnie, čyj Krym. Tak i nie adkazaŭ86
Kamientary