Fotafakt: U Hrodnie zrabili partret Majkła Džeksana z adkidaŭ
U Hrodnie mastačka Julija Koŭš stvaryła partret karala pop-muzyki Majkła Džeksana z utylizavanych aŭtašynaŭ, piša hazieta «Viečiernij Hrodno».
Materyjał dla karciny byŭ śpiecyjalna padrychtavany supracoŭnikami hrodzienskaj kampanii «Ekałahičnaja Alternatyva». Hetaja praca — pieršaja łastaŭka ŭ novym napramku mastactva — recycling art, dzie ŭsie tvory robiacca z pramysłovych adkidaŭ.
«Płanieta zaśmiečanaja, nazapašvajecca vialikaja kolkaść adkidaŭ, — kaža Julija Koŭš. — I mnie pryjšła ideja vykarystoŭvać adki jak materyjał dla stvareńnia karcin. Tak pry dapamozie kampanii «Ekałahičnaja Alternatyva» źjaviłasia pieršaja praca — Majkł Džeksan ź pierapracavanych aŭtašynaŭ. Džeksan byŭ čułym čałaviekam z dobrym sercam. Jon zaŭsiody kłapaciŭsia ab ekałohii płaniety, traciŭ na heta miljony dalaraŭ. Tamu, dadzienaja praca pryśviečana jamu».
«My zaklikajem usich mastakoŭ vykarystoŭvać adkidy ŭ tvorčaści — kaža dyrektar «Ekałahičnaj Alternatyvy» Rusłan Siamčuk. — Heta mastactva XXI stahodździa, jakoje złučaje tvorčaść i ekałohiju».
Karcina budzie pradadzienaja na aŭkcyjonie. Atrymanyja srodki pojduć na dabračynnaść.
Kamientary