Cim Biortan nie pryvioz u Venecyju piražkoŭ z čałaviečym miasam
Majstar režysury atrymaŭ na kinafeście “Załatoha ilva” za vybitny ŭniosak u kinematohraf. Premiju ŭručaŭ siabra režysera j jahony lubimy aktor Džoni Dep, jaki zdymajecca ŭ chorar-mjuzykłu Biortana “Sŭini Tod”.
Na Mižnarodnym Venecyjanskim feście, jaki startavaŭ 29 žniŭnia ŭručany pieršy “Załaty leŭ”. 5 vieraśnia italjanskaja kinastalica hanaravała Cima Biortana “za vybitny ŭniosak u mastactva kino”. Arhanizatary festu nazvali tvorcu “adnym z najbolš śmiełych i aryhinalnych amerykanskich režyseraŭ”.
Cim Biortan – stvaralnik hratesknych i śmiešnych strašnych kazak, admietnych vysokaj vizualnaj kulturaj, daścipnym zuchavatym siužetam – i niastrymanaj fantazijaj škodnaha dziciaci.
Siarod sama znakamitych filmaŭ Biortana – “Bitłdžus”, “Edvard – ruki-nažnicy”, “Sonnaja łahčyna”, “Mars atakuje”, "Bujnaja ryba”, “Ed Vud”, animacyja “Trup niaviesty”.
Na feście adbyłasia premjera sterea-versii multfilmu “Kašmaru na Kalady”, źniataha režyseram Hienry Selikam pavodle adnajmiennaj lalečnaj historyi Cima Biortana 1993 hodu.
Ale sam režyser nikoli nie ŭdzielničaŭ u Venecyjanskim feście. Jahonaja novaja stužka – chorar-mjuzykał “Sŭini Tod” pra niedareku cyrulnika, jaki pomścić svaim voraham, vyrablajučy ź ich piražki, – nat jašče nie hatovaja.
Uznaharodu Cimu Biortanu ŭručaŭ jahony lubimy aktor Džoni Dep, jaki ciapier i zdymajecca ŭ mjuzykłu.
Siłaviki raskazali, za što praviali chapun na tenisnym matčy7
Siłaviki raskazali, za što praviali chapun na tenisnym matčy
«Adnavili hramadski paradak, nie sastupiŭšy patrabavańniam novych vybaraŭ». Što piša Hrokipiedyja pra pratesty, Łukašenku, movu i jak dzielić spadčynu VKŁ1212
Kamientary