Ładućka daručyŭ vakcynavać pałovu pracazdolnaha nasielnictva Minska
Staršynia Minharvykankama Mikałaj Ładućka daručyŭ vakcynavać suprać hrypu pałovu pracujučaha nasielnictva Minska. Pra heta jon zajaviŭ siońnia na apieratyŭnaj naradzie ŭ harvykankamie.
Źviartajučysia da kiraŭnikoŭ rajonaŭ Minska, Mikałaj Ładućka skazaŭ: «Nieabchodna pastavić zadaču kiraŭnikam pradpryjemstvaŭ zabiaśpiečyć achop vakcynacyjaj suprać hrypu ŭ siarednim 50% rabotnikaŭ. Formy arhanizacyi hetaj raboty pavinny być hnutkimi, mahčymaja častkovaja apłata vakcyny rabotnikam. Heta zadača ŭ tym liku ekanamičnaha charaktaru, jakuju my abaviazany vykanać».
Hałoŭny dziaržaŭny sanitarny ŭrač Minska Natalla Žukava adznačyła, što bolš za 1 tys. staličnych pradpryjemstvaŭ užo zaklučyli damovy na pastaŭku vakcyny suprać hrypu, bolšaść ź ich zaviaršyli padrychtoŭku da pryščepačnaj kampanii. Hetaja praca najbolš paśpiachova pravodzicca ŭ Leninskim i Savieckim rajonach. Razam z tym, padkreśliła Natalla Žukava, kiraŭniki niekatorych pradpryjemstvaŭ niedaaceńvajuć nieabchodnaść praviadzieńni vakcynacyi rabotnikaŭ. Hetyja pradpryjemstvy raźmieščany ŭ asnoŭnym u Zavodskim, Centralnym, Partyzanskim, Maskoŭskim, Frunzienskim rajonach. Ciapier pakazčyk zapłanavanaha achopu vakcynacyjaj rabotnikaŭ Minsku składaje ŭ siarednim 33,6% .
Miarkujecca, što pryščepačnaja kampanija suprać hrypu pačniecca ŭ kancy vieraśnia.
Usiaho ŭ pieradepidiemičny siezon 2013 płanujecca pryščapić suprać hrypu 35% nasielnictva Minska, abo 673 tys. čałaviek.
Kamientary