Novyja padrabiaznaści zakulisnych pieramoŭ fihurantaŭ skandału, źviazanaha z aryštam hiendyrektara «Urałkalija» Uładzisłava Baŭmhiertniera, pryvodzić rasijskaja hazieta «Kommiersant'».
Pavodle infarmacyi krynic vydańnia, na minułym tydni ŭ Minsk pa prośbie asnoŭnaha akcyjaniera «Urałkalija» Sulejmana Kierymava lataŭ uładalnik «Ruśniefci» Michaił Huceryjeŭ, u jakoha «dobryja adnosiny z Alaksandram Łukašenkam». Pavodle słoŭ adnaho z surazmoŭcaŭ «'», apošni zajaviŭ, što «nie budzie supracoŭničać z Kierymavym», jaki źjaŭlajecca abvinavačvanym u raspačataj u Minsku kryminalnaj spravie.
«Niachaj pradaje kampaniju kamu zaŭhodna, ja tady Baŭmhiertniera sam na svaim samalocie ŭ Maskvu pryviazu», — nibyta zajaviŭ Łukašenka.
Kierymaŭ byŭ hatovy pajści na ździełku RIEPO, naprykład z «Śbierbankam», abo navat pradać kampaniju, kali «prapanujuć dobruju canu». Adnym z klučavych momantaŭ dla pryniaćcia rašeńnia mahła stać sproba vyzvaleńnia Baŭmhiertniera — 6 vieraśnia sud razhladaŭ chadajnictva advakataŭ. Ale
Stała viadoma, što pieramovy ab kupli akcyj pačaŭ bankir Uładzimir Kohan.
«Pakul niezrazumieła, jak budzie prafinansavana ździełka koštam kala 3 młrd. dołaraŭ i chto akažacca kančatkovym bienieficyjaram bolš čym 20% akcyj «Urałkalija». Ale prezident Uładzimir Pucin užo paabiacaŭ urehulavać kanflikt «biez šumu i hałasu», — piša hazieta.
Miž tym kiraŭnik maskoŭskaj kalehii advakataŭ «Alaksandr Dabravinski i partniory» Alaksandr Dabravinski napisaŭ u «Fejsbuku», što Kierymaŭ svaje akcyi (usie abo vialiki pakiet) Kohanu ŭžo pradaŭ. Ździełka, pavodle źviestak jurysta, uchvalenaja biełaruskim bokam.
Va «Urałkalii» situacyju nie kamientavali. U «Nafta Maskva» Sulejmana Kierymava zajavili, što «infarmacyja ab prodažy jaho pakieta va „Urałkalii“ nie adpaviadaje rečaisnaści».
Pavodle źviestak Forbes, vykupić kampaniju poruč z Kohanam prapanoŭvajuć uładalnik AFK «Sistema» Uładzimir Jeŭtušenkaŭ i Michaił Hucaryjaŭ. «A Kohan navat namiakaje, što dziejničaje pa daručeńni prezidenta Uładzimira Pucina», — skazaŭ surazmoŭca Forbes.
Cichanoŭskaja i Zialenski ŭpieršyniu praviali sustreču. Zialenski zaprasiŭ Śviatłanu ŭ Kijeŭ14
Kamientary