Lider ruchu «Za Svabodu» Alaksandr Milinkievič spasłaŭsia na apošnija dadzienyja niezaležnych sacyjołahaŭ.
Lider ruchu «Za Svabodu» Alaksandr Milinkievič spasłaŭsia na apošnija dadzienyja niezaležnych sacyjołahaŭ. Tak palityk prakamientavaŭ Racyi artykuł na sajcie Afn.by, u jakim ćvierdziłasia, što sakavicki adkryty list da Łukašenki kaštavaŭ jamu strataj rejtynhu.
«Sacyjałohija nie paćviardžaje, što paśla lista da Łukašenki moj rejtynh źniziŭsia. Naadvarot, jon padvysiŭsia», — skazaŭ Alaksandar Milinkievič. I zaznačyŭ, što toj list dazvoliŭ apazicyi skłaści ŭ hramadstvie stanoŭčy imidž ab sabie: «Nas stali ličyć palitykami, jakija bolš dumajuć pra Biełaruś, a nie pra ŭładnyja kresły».
Aŭtar artykuła «Milinkievič za biahučy hod zrabiŭ heta dva razy» na sajcie Afn.by vykazaŭ mierkavańnie, što Milinkievič robić druhuju pamyłku, nakiroŭvajučy list namieśnicy kiraŭnika Administracyi prezidenta Natalli Pietkievič. U svaju čarhu sam Milinkievič skazaŭ Racyi, što jon nie padpisvaŭsia pad listom. Jaho nie tak daŭno nakiravaŭ Pietkievič arhkamitet Jeŭrapiejskaha marša. List utrymlivaje prośbu pra sustreču z metaj abmierkavańnia akcyi.
Choć pad listom Milinkievič nie padpisvaŭsia, ale vitaje kantakty apazicyi z uładaj:
«Liču, što ŭłada mahła b dałučycca sama, i treba stavić joj takija ŭmovy i prapanovy, kab jana dałučałasia».
Ciapier čytajuć
Advakat Dźmitryj Lepretar raskazaŭ pra biełyja plamy ŭ spravie ab terakcie ŭ mietro7
Kamientary