Bukmiekiery vierać, što Nobieleŭskuju premiju miru sioleta ŭ kastryčniku atrymaje 15-hadovaja pakistanskaja školnica, pravaabaronca Małała Jusafzaj, vynikaje sa źviestak sajta oddschecker.com.
15-hadovaja Małała viadomaja ŭ śviecie jak zmahar za prava žančyn na adukacyju.
Małała prasłaviłasia tym, što pačała vieści błoh dla słužby «Bi-bi-si» na movie urdu pra žyćcio pry talibach, jakija z 2007 hoda ŭstalavali svaju ŭładu ŭ jaje rodnaj dalinie Svat.
U kastryčniku 2012 hoda taliby pasprabavali zabić dziaŭčynku.
9 kastryčnika 2012 h. Małała viartałasia dadomu sa škoły na školnym aŭtobusie; aŭtobus byŭ spynieny ludźmi ŭ maskach. Adzin z bajevikoŭ zajšoŭ u aŭtobus i staŭ pytacca dziaciej, chto ź ich Małała. Kali jaje asoba była vyśvietlena, talib dvojčy streliŭ u dziaŭčynku, patrapiŭšy ŭ hałavu i šyju.
Adna z kul prajšła navylot i dźvie dziaŭčynki, jakija siadzieli zzadu Małały, taksama atrymali pa ahniastrelnym ranieńni. Małału dastavili ŭ krytyčnym stanie ŭ vajenny špital horada Piešavar. Paśla trochhadzinnaj apieracyi chirurham udałosia dastać kulu z mozhu. Kali stan Małały staŭ stabilny, pakistanski ŭrad arhanizavaŭ dla jaje avijapieralot u Vialikabrytaniju.
Dziaŭčynku vyratavali daktary ŭ Birminhiemie. Zaraz Małała Jusufzaj ź siamjoj žyvie ŭ Brytanii.
Pa vynikach 2012 hoda jana zaniała druhoje miesca ŭ rejtynhu ludziej hoda časopisa Time — adrazu paśla prezidenta ZŠA Baraka Abamy.
Zaraz kaeficyjent stavak na Jusafzaj - 3 da 5. Imia łaŭreata budzie nazvana na nastupnym tydni, 11 kastryčnika.
Siarod inšych papularnych stavak - Demakratyčny hołas Birmy i rasijskaja pravaabaronca Ludmiła Alaksiejeva (1 da 9), infarmatar Wikileaks Bredli Meninh maje šancy 1 da 19, eks-prezident ZŠA Bił Klintan (1 da 20).
Šancy biełaruskaha pravaabaroncy Alesia Bialackaha bukmiekiery rasceńvajuć jak 1 da 69.
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia4
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary