Pradprymalniki i padatkaviki ŭ «Ždanovičach»: ścienka na ścienku
Na rynku «Ždanovičy» praciahvajecca sutyknieńnie pamiž pradprymalnikami i padatkavikami.
Kanflikt pačaŭsia 29 listapada ab 11 hadzinie, kali da adnaho z pradprymalnikaŭ, jaki handluje džynsami nasuprać «Domu mody-4», pryjšli supracoŭniki padatkovaj inspekcyi i pačali kanfiskoŭvać tavar, paviedamlaje radyjo «Svaboda».
Inšyja pradprymalniki, jakija handlujuć pa susiedztvie, začynili svaje kropki i nakiravalisia baranić kalehu. Nieŭzabavie da padatkavikoŭ dałučylisia supracoŭniki milicyi i AMAP.
«Ciapier jašče ničoha nia skončyłasia. Naadvarot, usio razhortvajecca. Nahnali AMAPu. Supraćstajańnie praciahvajecca, stajać ściana na ścianu. Stajać pradprymalniki i AMAP razam ź milicyjantami i supracoŭnikami padatkovaj», — pavioŭ radyjo «Svaboda» pradprymalnik Viačasłaŭ Pilipuk.
Adzin z supracoŭnikaŭ padatkovaj inspekcyi pakazaŭ pradprymalnikam paśviedčańnie. «Proźvišča Dykoła, rejdavy adździeł, Inspekcyja pa padatkach i zborach.
Ničoha nam nie patłumačyli, nie adkazali na pytańnie pradprymalnikaŭ, čamu tak adbyvajecca. Moža, tam jość niejkija parušeńni, ale ničoha nie patłumačyli. Prosta pryjechali kanfiskavać tavar», — kaža Viačasłaŭ Pilipuk.
Viačasłaŭ Pilipuk dapuskaje, što takija dziejańni mahli być vynikam niejkaj pravierki, adnak ździŭlajecca, čamu heta nielha narmalna patłumačyć.
Kamientary